2816. Байтал бия булганчы, башыңа чал иңә.

2817. Байтал чабып бәйге алмас.

2818. Байтал яманы ике айгырны тибештерер.
...

2780. Аргамак ат юл башлар.

2781. Аргамак атның билгесе — казылык җыймас, ял җыяр.

2782. Аргамак егылса алдына егылыр.
...

2771. Алаша да әйтә ди: «Алтмыш ирне тартыр идем, алты хатынны тартмас идем»,— дип.

2772. Алашаны атка санама.
...

2758. Айгыр куйсаң өнледән куй, кучкар куйсаң йонлыдан куй.

2759. Айгыр өерен ташламас.

2449. Авыр йөкне ат тартыр.

2450. Адымлы ат — алымлы ат.

2451. Азыклы ат арымас.
...

2348. Асылы кара тирене юган белән ак булмас.

2349. Ашавына карап мал үсәр, ярына карап тал үсәр.

2350. Ашаган малда өмет бар.
...

2325. Йомран койрыксыз булмый.

2326. Кабан кабанның карынын ярмас.

2327. Канат булмаса, тиен койрыгы белән оча.
...

2285. Башта булыр төлкесе, соңыннан чыгар көлкесе.

2286. Бер төлке җиде бүрене җитәкли.

2287. Йокычан төлке тавык алдамас.
...

2236. Бер елга куян тиресе дә чыдаган.

2237. Бер курыккан куян кырык көн төсеннән чыкмас.

2238. Бер куянны ике кат тунамыйлар.
...

2227. Колан башына эш төшсә, колынына карамас.

2228. Колан кайда симерсә, төген шунда түгәр.
...

2223. Керпе баласын «йомшагым» дияр, аю баласын «аппагым» дияр.

2224. Керпенеке шырпылы.

2225. Керпенең аягын күреп булмый.

2121. Ач бүре арысланга ташланыр.

2122. Ач бүре тотылмас, тук бүре котылмас.

2123. Бала чагында бүре баласы да сөйкемле.
...

2114. Боланга ияргән сачәккә аунар, дуңгызга ияргән балчыкка аунар.

2115. Боланның — башы, филнең теше кыйммәт.

2116. Боланның мөгезе кыйммәт.
...

2068. Ач аю уйнамас.

2069. Ашамаган аю биеми.

2070. Аю артына чуан чыккан, ялый-ялый җаны чыккан.
...

2031. Арыслан айга менмәсә дә, сикерүе дан.

2032. Арыслан, айга менәмен дип, аягын сындырган.
...

2009. Аучы белән балыкчы беркайчан да баемас.

2010. Аучы козгын ауламас, үрдәк аулар.

2011. Аучы ничә әмәл белсә, аю шунча юл белә.
...

1880. Агач корыса, утын булыр.

1881. Агач үлеме балтадан.

1882. Агачны ега белмәгән үз өстенә аударыр.
...

1852. Кара урманның карыны киң.

1853. Кәкре агачсыз урман булмас.

1854. Урман авызы тар булыр.
...

1781. Агач, җимеше күп булган саен, ныграк иелер.

1782. Агачны кем утыртса, җимеш шуныкы.

1783. Агачның алмасы еракка төшмәс.
...

1722. Бер каенның күләгәсе бөтен илне капламас.

1723. Бәрмәчлектән йөзем булмас.

1724. Зирек хәлен зирек белер.

...