| Посетители |
Онлайн всего: 10 Гостей: 10 Пользователей: 0 |
|
Главная » 2024 » Декабрь » 8 » ӨЧ ТУГАН (Корея халык әкияте)
ӨЧ ТУГАН (Корея халык әкияте) | 12:03:34 |
Яшәгән, ди, өч бертуган ярлы егет. Тормышлары бик авыр булганга, баеп булмасмы дип, женьшень тамыры эзләргә чыгып киткәннәр болар. Эзли торгач, казый торгач, йөз алтын торырлык женьшень тамыры тапканнар.
— Әйдә, кече туганыбызны үтерәбез дә аның өлешен үзебезгә алабыз,— дигән олы туган уртанчы туганына.
Һәм шулай иткәннәр дә... Аннары исән калган ике туган икесе дә ничек итеп бер-берсеннән котылу турында уйлый башлаганнар. Шулай уйланып кайта торгач, болар авыл читенә килеп җиткәннәр.
— Син миннән яшьрәк, әнә теге йорттан дөге аракысы алып чык әле, мин монда көтәрмен,— дигән өлкән туган уртанчы туганга. Ә үзе эчтән генә: «Чыгуга ук башына җитәм моның. Аннары женьшень тамыры да, аракысы да миңа гына була»,— дип уйлый икән.
Һәм шулай иткән дә: чыгуына туганын атып үтергән, аракыны берүзе генә эчкән. Әмма дөге аракысы хикмәтле булган: энекәше абыйсын үтерү нияте белән аңа агу салган икән. Шулай итеп, өч туган өчесе дә бер-бер артлы җан тәслим кылган.
Бу вакыйгадан соң бик күп еллар узса да, өч туган фаҗигасе әле бүген дә онытылмаган. Әгәр дә корея кешесеннән хәзер: «Синең өчен иң зур байлык нәрсә?» — дип сорасаң, ул женьшень тамырын да, алтын-көмешләрне дә атамас, ә: «Иң кадерле байлыгым — туганнарым»,— дип әйтер. |
|
Категория: Дөнья халыклары якиятляре |
Просмотров: 6 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
