| Посетители |
Онлайн всего: 6 Гостей: 6 Пользователей: 0 |
|
Главная » 2024 » Декабрь » 9 » ИТАГАТЬЛЕ МӘЧЕ (Литва халык әкияте)
ИТАГАТЬЛЕ МӘЧЕ (Литва халык әкияте) | 10:03:14 |
Шулай бервакыт Чыпчык ишегалдына очып төшкән дә бодай чүпләргә тотынган, ди. Ул, сикерә-сикерә, бодай бөртеге чүпли, ә хәйләкәр Мәче бер читтән моны күзәтеп тора икән. Мәче карап- карап торган да, ялт сикереп, Чыпчыкны канатыннан эләктереп тә алган.
— Менә хәзер рәхәтләнеп тамак ялгыйм! — дип мырлаган ул.
— Нишлисез, Мәче әфәнде? Әллә чынлап та мине ашамакчы буласызмы? — дип чыркылдаган Чыпчык.
— Ашамыйча, тагын нишлим мин синең белән? Хәзер кабам да йотам! — дип, Мәче Чыпчыкның муенын авызына капкан.
— Оятыгыз бармы сезнең, Мәче әфәнде?! — дип өзгәләнә-өзгәләнә чыркылдаган Чыпчык.— Юынмаган килеш кем ашарга утыра инде? Хуҗагызның юынмыйча ашаганын күргәнегез бармы?
— Анысы шулай,— дип, Мәче йомшак тәпие белән битен юарга тотынган.
Мәче тырнагыннан ычкынган Чыпчык шул секундта канатларын җилпеп очып киткән. Мәченең моңа бик тә ачуы килгән, билгеле.
— Бүтән мине алдый алмассың! — дип, тешләрен шыгырдаткан ул.— Кешеләр теләсә нишләсен, ә хәзер мин башта ашыйм, аннары гына битемне юам.
Шушы көннән башлап мәчеләр ашап туйгач кына битләрен юа баш-лаганнар, ди. |
|
Категория: Дөнья халыклары якиятляре |
Просмотров: 3 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
