| Посетители |
Онлайн всего: 2 Гостей: 2 Пользователей: 0 |
|
Главная » 2025 » Октябрь » 21 » ШИРМАГА ЯСАЛГАН ЮЛБАРЫС (Корея халык әкияте)
ШИРМАГА ЯСАЛГАН ЮЛБАРЫС (Корея халык әкияте) | 19:24:21 |
Бер өязгә яңа башлык куйганнар - бик таләпчән һәм буйсындыручан хаким булган ул. Эшкә керешү белән, ул укымышлы кешеләрне чакырта башлаган. Шулай итеп иң гыйлемле һәм укымышлы кешеләрне үзенә каршы эш йөртмәсеннәр өчен кисәтеп куярга уйлаган. Хезмәткәрләренә өяздәге иң акыллы һәм иң белемле кешеләрне эзләп табарга боерык биргән.
Иң беренче итеп бер малайны алып килгәннәр. Каршысына бәләкәй малай кертеп бастыргач, башлык акырып җибәргән:
– Иренендә сөте дә кипмәгән бу маңка малайны каян таптыгыз? Каян килсә, шунда китсен!
Хезмәткәрләр, боерыкны ишетмәгән төсле басып тора биргәннәр.
– Нәрсә Будда шикелле катып торасыз? – дип кычкырган башлык.
– Бу – өяздәге иң акыллы кеше. Бер генә олы кеше дә аның белән ярыша алмый. Әгәр дворян гаиләсендә туган булса, ул, һичшиксез, йә өяз башлыгы, йә дөнья хакиме булыр иде, – дип җавап биргән өлкән хезмәткәр.
– Нәрсә сөйлисез сез! Ничек шушы аңгыра өяз белән, йә булмаса, дөнья белән идарә итә алсын? Әгәр сез әйткәнчә үк акыллы булмаса, җәзага тартам! – дигән башлык.
Хезмәткәрләр куркудан калтырый башлаганнар. Ә малай башын күтәргән дә болай дигән:
– Яхшы. Соравыгызга җавап бирә алмасам, мине җәзага тарттырыгыз!
Башлык хезмәткәрләренә юлбарыс рәсеме төшкән ширма белән бау китерергә кушкан, аннары малайга эндәшкән:
– Әй, син, бау белән бу ширмадагы юлбарысны тота аласыңмы? – дип сораган.
– Әлбәттә, сезнең боерыгыгызны үти алам, – дип җавап биргән малай. – Мин юлбарысны ишек төбендә көтәм, ө сез, әфәндем, аны миңа таба куыгыз! Мин баудан элмәк ясап, аны юлбарысның муенына ташларга әзер!
Башлык малайның кыюлыгына һәм тапкырлыгына шаккатып кычкырып җибәргән:
– Син акылдан яздыңмы әллә? Ширмага ясалган юлбарысны ничек куып булсын инде?
– Ә рәсемдәге юлбарысның муенына ничек итеп бау ташлап булсын? Хо-хо- хо! — дип көлгән малай.
Бу сөйләшүнең шаһитлары булган хезмәткәрләр рәхәтләнеп көлгән, ә малайның зиһененә шаккаткан башлык, телдән калып, бүлмәдән чыгып киткән.
|
|
Категория: Сказки народов мира |
Просмотров: 10 |
Добавил: ilbyak-school
| Рейтинг: 5.0/1 |
|
Добавлять комментарии могут только зарегистрированные пользователи. [ Регистрация | Вход ] |
|
|
