Ленин, Александр Невский, Кызыл Йолдыз орденнары белән бүләкләнә. Ивано-Франковск өлкәсенең Бурштын авылында җирләнгән.
Туган ягында аның исемен урам һәм урта мәктәп йөртә, анда Геройның бюсты урнаштырылган. Герой исеме шулай ук Ивано-Франковск өлкәсенең Галич районы Киношево урта мәктәбенә кушылган.
* * *
Петр Юхвитовка үзенең яраткан эше — балалар укыту белән ике ел гына шөгыльләнергә туры килде. Укытучы булырга ул бала вакытта ук ниятләнгән иде. Шул хыялын тормышка ашыру өчен, ул Чувашиядә педучилищега укырга керде. Аны тәмамлагач, туган җиренә — Татарстанның Чүпрәле районына кайтты. Дөрес, аңа үзенең Хорновар-Шигали авылындагы тулы булмаган урта мәктәптә түгел, бәлки күрше авылда эшләргә туры килде. Яшь укытучы инде педагогия институтының читтән торып уку бүлегенә керү турында уйлый иде, ләкин 1939 елда армиягә алынды һәм пехота училищесы курсанты булды.
Фронтка Юхвитов 1943 ел азагыңда гына эләкте: аңа кадәр аны училищедан җибәрмәделәр, офицер булганнан соң, ул анда рота командиры иде. Киев артында, декабрьда немецларның контратакаларын кире кайтарганда, Петр авыр яраланды, ләкин берничә айдан соң яңадан фронтның алгы линиясенә килде, Карпат янында сугышты.
Таулы җирләрдә һөҗүм юлы җиңел булмады. Әле тау итәкләреңдә үк юлсыз урыннардан барырга, шаулап аккан тау елгалары аша чыгарга, биеклекләрне штурмларга туры килде. Немецлар һәр җирдә — куе урманнарда да, тарлавыкларда да, тауларда да урнашканнар иде. Алар барлык авылларны ныгытылган пунктларга әверелдерделәр, кырларны һәм бакчаларны окоплар, блиндажлар белән чуарладылар, йортларга пулеметлар куйдылар. Шулай да совет пехотасы һаман алга барды. Төп магистральләрне әйләнеп үтеп, частьлар турыга хәрәкәт иттеләр,, көтмәгәндә фашистларның, тылына барып чыктылар, аларны чолгап алдылар һәм юк иттеләр.
Юхвитов Петр Сергей улы 1918 елның 1 октябрендә хәзерге Татарстан Республикасының Чүпрәле районы Хорновар-Шигали авылында крестьян гаиләсендә туа. Чуаш. 1941 елдан КПСС әгъзасы. Педагогия училищесын тәмамлый, башлангыч мәктәптә укытучы булып эшли. 1939 елдан Совет Армиясе сафларында. 1941 елда Төмән хәрби пехота училищесын тәмамлый. Шунда ук рота белән идарә итә.