| Посетители |
Онлайн всего: 5 Гостей: 5 Пользователей: 0 |
|
Главная » 2011 » Сентябрь » 21 » ЗӨЛӘЙХАБИКӘ
ЗӨЛӘЙХАБИКӘ | 19:06:12 |
Зөләйха намында мирза кызларыннан бер туташ Казан шәһәрендә яшь кенә офицердан сабак укымыш. Шул әснадә мәзкүр яшь офицерга мәхәббәт багламыш.
Шул көннән игътибаран кызга никадәр урыннардан яучылар килеп алырга сорасалар да, Зөләйхабикә барысына «бармыйм» дип кыска гына җавап бирмеш. Ләкин Зөләйхабикә һәрвакыт тирән уйда, күңеле басылган, һәркем берлә салкын гына ихтилятта булдыкыннан, әнкәсе кызының башында олуг бер исәп, тирән бер уй бар идекен аңламыш. Кызның һәрвакыт тәэсирле халәттә йөрүеннән, кемгә булса мәхәббәт баглап, шуның яшерен газабы вә яшерен януы берлә газап чигә торгандыр, дип уйламыш.
Анасы, кызны кемгә дә бирергә белмәгәч, кызының серен белер өчен, «әллә фәләнгә биримме, яки фәләнгәме», дия һәр таифәнең исемен зикер кыйлып, бөтенесен әйтеп чыкмыш. Кыз һәр каюсын рәд кыйлып торганда: «Әллә офицерга бирәемме?»— дигәч, кыз сачрәп чыгып:
— Әнкәем, җаным бул! Шуңар бирсәнә,— дия, барып әнкәсенең муенына сарылып егламыш. Кәнденең кемгә булган мәхәббәтен шул көннән игътибаран галәмгә белдермеш.
Менә бу эш халык арасына таралгач: кызының анасы булып, кыздан һәр таифәнең хасләтен сорап торган рәвештә итеп, махсус көй берлә халык боларга җыр чыгармышлар.
Нам — исем.
Әсна — вакыт.
Мәзкүр — әлеге, алда әйтелгән.
Ихтилят — аралашу, катнашу.
Таифә — төркем, җәмәгать.
Рәд кыйлу — кабул итмәү, кире кагу.
Кәнд — үзе.
Xасләт — холык, сыйфат. |
|
Категория: Риваятьләр |
Просмотров: 1409 |
Добавил: ilbyak-school
| Рейтинг: 5.0/1 |
|
Добавлять комментарии могут только зарегистрированные пользователи. [ Регистрация | Вход ] |
|
|
