| 4211. Акчарлак килми яз булмый. 4212. Акчарлак суда булыр. 4213. Дөя кошы башын комга тыгып кына аучыдан яшеренә алмый. 4214. Дөя кошын да арбага җигәләр. 4215. Кенәри үзе читлектә, күңеле иректә. 4216. Кычыткан чыпчыгы: «Үз өем, үз илем!» —дип сайрый икән. Моның өе кайда дип карап торсалар, кычыткан арасында кычыткан ефәгеннән үргән оясына кереп киткәнен күргәннәр. 4217. Сиртмә койрык: «Минем койрыгым сиксән пот»,— ди, имеш. 4218. Торымтайдан очкыр крш булмас, тургай ташлап каз алмас. 4219. Тәвә кошы, «оч» дисәң—«мин тәвә», «йөк тарт» дисәң, «мин кош» ди икән. 4220. Шәүлегән су чыгарган, карга кинәнгән. 4221. Әтәлге , мактанса, «тычкан тоттым!» дияр. 4222. Әтәлгене куй, карчыганы чөй. 4223. Үз урманында чупай да купай. 4224. Һәрбер көелте үз сазлыгын мактый. * * * 4225. Күгәрченнәр арасындагы чәүкәләр кебек. 4226. Тилгән мие ашаган. 4227. Чәүкә мие эчкән. 4228. Һөдһөд тоткан күк булган. | 