| Посетители |
Онлайн всего: 1 Гостей: 1 Пользователей: 0 |
|
Главная » 2011 » Август » 2 » ГАБДЕЛҖАББАР ИШАН
ГАБДЕЛҖАББАР ИШАН | 18:06:58 |
Парау авылында, кисәк кенә авырып, мулла үлеп китә. Авыл халкы, ашыгыч рәвештә, яңа мулла чакырттыра. Парауга Габделҗәббар атлы Кандалы кешесе килә. Ярлы гына бу мулла бер бай кешегә фатирга керә. Бай аңа начар гына аш бүлмәсен биреп, үзе олы якта тора. Бер җомга көнне ашап утырганда, Габделҗәббар хәзрәт, намаз вакыты җитүен сизеп, сикереп тора да тәһарәт алырга су эзли башлый. Үч иткәндәй бер савытта да су калмаган икән. Шуннан ул, комган тотып, урамга йөгереп чыгып китә. Бай хәзрәтне тәрәзәдән күзәтеп тора: нишләр икән бу дип. Габделҗәббар урамдагы коедан иелеп кенә су ала да, тәһарәт алып намазга китә. Бай, урамга чыгып, теге кое янына барса, ул кое бик тирән икән: аннан иелеп түгел, бау белән дә суны бик интегеп алышлы, ди. Бай, хәлне күреп, Габделҗәббар хәзрәтне изге дип уйлый инде. Хәзрәт намаздан кайткач, бай аңа олы якка күченергә әйтә. Үзе семьясы белән аш өенә күчә. «Нигә алай эшлисең?»— дип сорый хәзрәт:
— Син бу аш бүлмәсендә генә торырлык кеше түгел икәнсең,— дип җавап бирә аңа бай.
Шул көннән алып, Габделҗәббар авылның бик дәрәҗәле кешесе булып киткән, ди. |
|
Категория: Риваятьләр |
Просмотров: 1255 |
Добавил: ilbyak-school
| Рейтинг: 5.0/1 |
|
Добавлять комментарии могут только зарегистрированные пользователи. [ Регистрация | Вход ] |
|
|
