| Посетители |
Онлайн всего: 7 Гостей: 7 Пользователей: 0 |
|
Главная » 2023 » Ноябрь » 11 » Һәйкәлгә лаек кешеләр югыйсә
Һәйкәлгә лаек кешеләр югыйсә | 15:07:38 |
Бөек педагог Ян Каменский: “Бу дөньяда укытучы хезмәтеннән дә өстен нәрсә юк”, – дигән. Кызганыч, укытучыга бирелгән бәя, җылы сүзләр һаман кәгазьдә генә кала.
Намусы кушканча эшләп тә, иң түбән хезмәт хакы алып, тормыштан зарланмаучы кем дисәгез – ул укытучы булыр. Югары уку йортын тәмамлап, мәктәптә фән нигезләрен өйрәтә башлаган яшь укытучы 1500 сум хезмәт хакы ала. Ә Казанның “Ак барс” хоккей командасы җитәкчеләре Илья Ковальчук белән 3 миллион долларга (90 миллион сум) килешү төзегән. Бу сумма республика укытучыларының хезмәт хакын арттырып, ел буе түләргә җитәр иде.
Укытучы халкын аның тышкы кыяфәтеннән, киеменнән, йөзеннән танып була. Укытучы үзенә яки гаиләсенә затлырак кием алу өчен муеныннан бурычка бата. Авыл җирендә иң иске йорт укытучыда һәм пенсионерда. Намуслы һәм фидакарь хезмәте өчен аның 80-120 мең премия алганын ишеткәнегез бармы? Ә кайбер предприятие җитәкчеләре нәкъ шулай ала бит.
Авыл укытучысының ял иткәнен, концертка, театрга барганын да күргәнегез юктыр. Аның моңа вакыты да юк, мөмкинлеге дә.
Егылып китеп мәгълүмати технология турында гәп корганда кайсы укытучы: “Минем өйдә компьютерым бар, интернетка тоташтырдым”, – дияр икән? Кайсы укытучының ял йортына барганы бар? Ә үзенең һаман: “Башым авырта, йөрәгем чәнчи, хәлем юк”, – дип зарланудан башы чыкмый.
Язын-көзен күмәк хуҗалык басуында укучылар белән кем эшли? Укытучы. Кырда эскерт-эскерт салам яндыра, электр баганаларын акшарлый, чөгендер, бәрәңге басуында бил бөгә ул. Җәй айларында кулына чалгы, сәнәк, тырма тотып кышка терлек азыгы әзерли.
Укытучыларның олуг хезмәтен кайчан искә төшерәләр? 1 сентябрьдә һәм Укытучылар көнендә ел буена җитәрлек матур сүз ишетеп кала ул.
Хәтта этләргә һәм мәчеләргә һәйкәлләр бар. Ә укытучыга һәйкәл куелды дип берәрегезнең ишеткәне булдымы?
Роберт ЗАРИПОВ, югары категорияле укытучы, Татарстан журналистлар берлеге әгъзасы.
Азнакай районы, Урсай авылы. |
|
Категория: Рассказы / Хикәяләр |
Просмотров: 76 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
| Календарь |
| « Ноябрь 2023 » | | Пн | Вт | Ср | Чт | Пт | Сб | Вс | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 |
|
|
