| Посетители |
Онлайн всего: 4 Гостей: 4 Пользователей: 0 |
|
Главная » 2024 » Декабрь » 9 » ҖӘЕН КАРНЫ КАЯН АЛАСЫҢ? (Поляк халык әкияте)
ҖӘЕН КАРНЫ КАЯН АЛАСЫҢ? (Поляк халык әкияте) | 11:32:25 |
Бер агай, күрше хуторга дустына кунакка баргач, бик каты сыйланып, сәрхуш булган, ди. Ә урамда салкын кыш ае икән. Үз өенә кайтырга чыккач, юлда егылып, кар өстендә йоклап калган бу. Иртән табып алганда, агай инде бөтенләй туңып-өшеп беткән булган. Аны, тиз генә күтәреп, җылы өйгә алып кергәннәр, ләкин үлемнән алып кала алмаганнар. Бераздан ул җан тәслим кылган.
Бу хәбәр бик тиз тирә-якка таралган. Костёлга гыйбадәткә җыелгач, Ксендз халыкка болай дип әйткән:
— Җәмәгать, өшегән кешене җылыга керткәнче, башта суыкта кар белән уарга кирәк. Шулай итсәң генә исән кала ул.
Аракы эчәргә ярата торган бер ир, Ксендзның бу сүзләрен ишеткәч, бик нык уйга калган. Костёлдан кайтышлый хәтта мәйханәгә дә кермәгән.
Өенә кайткан да, ашамый-эчми, кара көеп, кайгырып утыра икән. Аптырагач, хатыны моның хәлен сораштыра башлаган. Ир авыр итеп сулаган да, Ксендзның, өшегән кешене җылы өйгә алып кергәнче, башта суыкта кар белән уарга кирәк, дип сөйләвен әйткән.
— Ярый, кыш көне кар белән уып терелтеп булыр... Ә җәен карны каян аласың? — дигән ул.
Хатыны шулчак бот чабып көләргә тотынган.
— Әй юләр, юләр! Җәй көне кем өши инде? — дип кеткелдәгән.
— Шулай шул! Ничек минем баш җитмәгән моңа?! — дип гаҗәпләнеп көлеп җибәргән ир һәм, шатлыгын юар өчен, шешәдәшләре янына мәйханәгә чыгып йөгергән. |
|
Категория: Дөнья халыклары якиятляре |
Просмотров: 2 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
