| Посетители |
Онлайн всего: 7 Гостей: 7 Пользователей: 0 |
|
Главная » 2024 » Декабрь » 9 » ГАДЕЛ КУЯН (Тува халык әкияте)
ГАДЕЛ КУЯН (Тува халык әкияте) | 16:10:42 |
Бик борын заманда Meгe-Сарыч атлы карт яшәгән. Аның бала-чагасы, мал-туары да булмаган. Шуңа күрә авылдан авылга йөреп тамак туйдырырга туры килгән аңа.
Бервакыт карт ике юл чатында зур күн капчык тапкан. Ул моңа бик тә куанган һәм тизрәк капчыкның авызын чишеп җибәргән. Аннан, тешләрен ыржайтып, ач Бүре килеп чыккан.
— Әһә, эләктеңме?! Мин хәзер сине кабып йотам,— дигән аңа Бүре.
— Соң мин сине коткардым лабаса. Ә син мине ашамакчы буласың. Бу — гадел эш түгел. Безне хөкем итсеннәр,— дигән Meгe-Сарыч.
Менә карт белән Бүре урманга кергәннәр. Бүре тәмам ачыккан, картны хәзер кабып йотарга тора, ди. Ерак та түгел, Куян күренгән.
— Әй, Куян! Тукта әле. Качма! Бәхәсебезне чиш! — дип кычкырган аңа Meгe-Сарыч.
— Бәхәсегез ни турында? — дип сораган Куян.
Карт аңа барысын да сөйләп биргән.
— Эшне ныклап тикшерү өчен, Бүрене ничек коткаруыңны үз күзләрем белән күрергә кирәк миңа,— дигән Куян.
Болар өчәүләп юл чатына килгәннәр.
— Капчык кай төштә ята иде, күрсәт әле, картлач,— дигән Куян.
Карт капчык яткан урынны күрсәткән.
— Хәзер капчыкны урынына куй,— дигән Куян.
Карт барысын да Куян әйткәнчә эшләгән.
— Ә син, Бүре, капчыкта ничек ятканыңны күрсәт,— дигән Куян.
Бүре капчык эченә кереп яткан.
— Капчык авызы бәйләнгән идеме?
Карт капчык авызын бәйләп куйган.
— Менә эш тә бетте,— дигән Куян.— Мин сезне гадел хөкем иттем. Син, картлач, үз юлыңда бул, ә Бүре капчыкта ятсын! Хушыгыз! |
|
Категория: Дөнья халыклары якиятляре |
Просмотров: 1 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
