| Посетители |
Онлайн всего: 5 Гостей: 5 Пользователей: 0 |
|
Главная » 2024 » Декабрь » 9 » МЕНӘ СИҢА ДАРУ! (Чех халык әкияте)
МЕНӘ СИҢА ДАРУ! (Чех халык әкияте) | 18:53:10 |
Бер ананың Тоник һәм Гонзик исемле ике улы булган. Гонзик исемлесе үги малай икән. Шуңа күрә үги әнисе гел эш кушып кына тора, ди, моңа. Ә иркә Тоник бернәрсә эшләми, көне буе сырт кыздырып ята икән.
Шулай беркөнне ана Тоникны урманга утынга җибәрмәкче булган. «Юк, бармыйм, чирлим мин»,— дип кырт кискән малай. Үги ана Гонзикны чакырып китергән дә болай дип җикергән: «Бар, тиз бул, даруханәгә чап! Тоникка дару алып кайт!» Бик барасы килмәсә дә, Гонзик чыгып китәргә мәҗбүр булган. Менә Гонзик, мышный-мышный йөгереп, даруханәгә килеп җиткән. Бусаганы атлап керүгә, аяк астындагы дару шешәләренә абынып егылган. Пыяла шешәләр чәлпәрәмә килеп ватылган. Дару сатучы моның якасыннан эләктереп алган. Гонзик еламсырап гафу үтенергә, дару алырга килгәнен аңлатырга тотынган. «Бөтен шешәләремне ватып бетердең! — дигән дару сатучы һәм кулындагы чыбык белән Гонзикның сыртына берне сыпырып алган.— Менә сиңа дару! Менә сиңа дару!»
Гонзик өенә кайтып җитсә, ана кеше ишек төбендә көтеп тора икән. «Кайда даруың?» — дип ашыгып сораган ул малайдан. «Ул бик начар дару... Тоник аннан терелмәс»,— дип пышылдаган Гонзик. «Юкны сөйләмә, әйдә, тизрәк бир даруыңны!» — дип җикергән ана.
Шулчак Гонзик почмактагы таякны алган да Тоникның җилкә¬сенә китереп сылаган. Үзе суга, үзе: «Менә сиңа дару! Менә сиңа дару!» — дип кабатлый икән бу.
Тоник урыныннан сикереп торган да урманга утынга чыгып чапкан. «Менә бит, әни, күрдеңме? Даруның файдасы тиде»,— дип көлеп җибәргән Гонзик. |
|
Категория: Дөнья халыклары якиятляре |
Просмотров: 2 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
