| Посетители |
Онлайн всего: 3 Гостей: 3 Пользователей: 0 |
|
Главная » 2011 » Август » 31 » ЛАШМАН
ЛАШМАН | 22:03:49 |
Мең сигез йөзенче еллар тирәсендә әлеге Беренче Май районының төньяк өлешендә тоташ кара урманнар булган. Патша егерме биш ел буена хезмәт итеп кайткан солдатларны шундый буш җирләргә күчереп утырта, шул буш җирләрдән урын бүлеп бирә торган булган.
Кара урманга беренче мәртәбә аяк басып яши башлаган кешеләр әнә шул солдатлар, ди, инде.
Елховой* авылыннан Вәлит исемле кеше, солдаттан кайткач, 1842 еллар тирәсендә, туганнары белән беренчеләрдән булып Лашман авылына төпләнә. Тигезлек, матур җирләр була бу төштә. Яшел урман арасыннан су агып чыга — Кама башлангычы. Тирә-юнь авыллардагы кешеләр бу куышларда, алачыкларда яши башлаган кешеләрне «Вәлит авылы кешеләре» дип атаганнар.
Бу җиргә килеп утырган кешеләргә һәр метр җирнең урманын кисеп, җирен чистартып, авырлыклар белән яшәргә туры килә.
Лашман сүзе нужаны белдерә*. Бу авыл урынында бик күп көч салып, зур нужа, дәрт белән чистартканга шул яңа авылны Лашман дип атаганнар.
Елховой — Татарстанның Лениногорск районындагы авыл.
"Лашман" сүзе "нужаны белдерә — лашманнарның авыр хезмәте бәетләрдә дә чагылыш тапкан (Татар халык иҗаты. Бәетләр, 142 б.). |
|
Категория: Риваятьләр |
Просмотров: 1806 |
Добавил: ilbyak-school
| Рейтинг: 5.0/1 |
|
Добавлять комментарии могут только зарегистрированные пользователи. [ Регистрация | Вход ] |
|
|
