| Посетители |
Онлайн всего: 7 Гостей: 7 Пользователей: 0 |
|
Главная » 2011 » Сентябрь » 2 » БАРДА ҺӘМ СЫЗГЫ
БАРДА ҺӘМ СЫЗГЫ | 22:44:59 |
БАРДА
Көзен каз өмәләре вакытында бер әби елгада казлар юа икән. Шул вакыт аның кулыннан казлары ялгыш ычкынып киткән. Әби кычкырырга тотынган:
— Казым акты, казым акты! — дип. Тешләре булмау сәбәпле «казым акты»сы «каҗым акты» булып чыга икән. Әбидән сораганнар:
— Ничә казың акты соң? — дип.
Әби җавап биргән:
— Бары да, бары да!
Шуннан әби каз юган елга «Әҗмакты» дип атап йөртелә башлаган. Ә аның буена утырган авылга халык Барда исемен биргән, имеш...
СЫЗГЫ
Бу авыл моннан дүрт йөз еллар элек урнашкан. Татарстаннан, Идел ягыннан агайлы-энекәйле кешеләр килеп төньяк-көнбатыш ягында урын коралар. Биек тау дигән тауның артында бу урын. Хәзер аның ташын чыгаралар, шуңа биек түгел инде ул. Болар башкорт җирендәге Ака авылы турында ишетәләр. Шул авылны эзләп китәләр. Монда калын урман булган. Эзне югалтмас өчен агачка сызыклар сызып баралар. Шуннан Сызгы исеме калган. |
|
Категория: Риваятьләр |
Просмотров: 2596 |
Добавил: ilbyak-school
| Рейтинг: 5.0/2 |
|
Добавлять комментарии могут только зарегистрированные пользователи. [ Регистрация | Вход ] |
|
|
