| Посетители |
Онлайн всего: 11 Гостей: 11 Пользователей: 0 |
|
Главная » 2024 » Декабрь » 8 » СӨЙЛИ ТОРГАН ИШӘК (Каракалпак халык әкияте)
СӨЙЛИ ТОРГАН ИШӘК (Каракалпак халык әкияте) | 11:35:13 |
Чимбай каласының бер мулласы кешеләрдән качып кына әфьюн тарта торган булган. Качып тарткач, беркем дә белми дип уйлаган инде ул.
Хәйләкәр Омәрбәк моны акылга утыртырга ниятләгән.
— Мин синең ишәгеңне кеше шикелле сөйләшергә өйрәтәм,— дигән ул муллага.— Әгәр ишәгең кешечә сөйләшә башласа, синең даның бөтен илгә таралачак. Аннары сәдака да агылып торачак.
Мулла сөенә-сөенә ишәген Омәрбәккә бер елга укырга биргән. Шәһәр халкы урамда да, базарда да бары тик шул ишәк-шәкерт хакында гына сөйләшә икән...
Бер ел узгач, Омәрбәк ишәкне базарга илтеп саткан. Аннары мулла янына килгән дә:
— И әфәндем, синең ишәгең артык акыллы булып чыкты,— дип сүз башлаган.— Ул берничә көннән үк чып-чын кеше теле белән сөйләшергә өйрәнде...
— Кайда ул минем акыллы ишәгем? — дип, сөенеченнән авызын ерган мулла.
— Ачуланма, әфәндем, әмма мин аны суярга мәҗбүр булдым.
— Нишләп суйдың? — дип җикергән аңа мулла.
— Ул синең хакта әллә ниләр сөйли башлады... Имеш, син кешедән качып әфьюн тартасың, аннары исереп сүгенәсең, имеш, син биш ва¬кыт намазны да укымыйсың... Ишәкнең колаклары зур бит, синең янда яшәгәндә барысын белеп, ишетеп торган... Шуңа күрә, урам буйлап гайбәтеңне сатып йөрмәсен дип, тоттым да суйдым мин аны.
— Бик дөрес иткәнсең! — дип сөенгән мулла.— Шул кирәк ул аңгыра хайванга! Киләсе елга укырга мин сиңа акыллырак ишәк җибәрермен. |
|
Категория: Дөнья халыклары якиятляре |
Просмотров: 6 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
