Авыл тирәли тотылган читән һәм иген кыры

1959.
— Кыек-мыек, ни эшлисең?
— Яшел әфәнде, сине саклыйм.

Читән

1960.
Кәкере дә бөкере,
Койрыкларын бетерде.

Кеше үзе

1929.
Үзе минем әтинең улы,
Үзе миңа туган түгел.

Ата

1930.
Әй, углан, углан,
Без икебез бертуган,
Бар кер дә әйт анаңа:
Анаңның ире килгән.

1931.
Әниеңнең сеңлесенең җизнәсе кем була?

Ана һәм карындагы бала

1604.
Кырык бармак, кырык тырнак,
Ике җанга бер сулыш.

Бәби

1605.
Асты диңгез, өсте нур.

1606.
Кунак килде, чыгып алыгыз:
Аягы бар — йөрми,
Күтәрмичә өйгә керми.