| Посетители |
Онлайн всего: 4 Гостей: 4 Пользователей: 0 |
|
Главная » 2011 » Август » 2 » ҖАҺИЛЛӘРНЕҢ БАШЫН ЭТ КИМЕРӘ
ҖАҺИЛЛӘРНЕҢ БАШЫН ЭТ КИМЕРӘ | 16:17:20 |
Акмулла Троицк шәһәреннән 100 чакрым ераклыкта Кара Су дигән җирдә Исәнгилде һәм Батуч исемле казакъ түрәләрендә балалар укытучысы булып торган. Көннәрнең берендә шул авылда үлгән бер карчыкны озату өчен җыелган халык арасында Акмулла да булган. Әлеге Исәнгилде дигән бай, Акмуллага таягы белән төртеп күрсәтеп, мәсхәрәле бер караш белән:
— Мулла! Безнең казакъның бер мәкале бар: үләнле җирдә үгез симерә, үлекле җирдә мулла симерә,— дип, үзенчә көлгән.
Акмулла аңа каршы бик тиз генә:
— Бик дөрес әйтәсең, үләнле җирдә — үгез, үлекле җирдә — мулла, даулы җирдә түрә симерә; сахрада безнең кебек муллалар булмаса, сезнең кебек җаһилләрнең башын эт кимерә,— дип, җавап биргән.
Һәр җирдә үз сүзен генә яраткан, горурланып йөргән түрәгә бу җавап, әлбәттә, бик каты тоелган. Ул шунда ук Акмуллага янап: «Мин сине нишләтә белермен әле», дип кисәтеп куйган, һәм соңыннан, нәкъ менә шул кешенең доносы буенча, Акмулла берничә вакытлар Златоуст төрмәсендә ябылуда булган. Аның күп кенә кайгылы шигырьләре шул төрмәдә утырган вакытларында язылган.
Җаһил — надан, белемсез.
Акмулла — татар, башкорт, казакъ халыкларының уртак шагыйре Мифтахетдин Акмулла (1831-1895). Шагыйрьгә багышлап бәетләр дә чыгарылган (Татар халык иҗаты. Бәетләр/Томны төзүчеләр: Әхмәтова Ф.В., Надиров И.Н., Җамалетдинова К.Б. Казан, 1983, 36 б.). |
|
Категория: Риваятьләр |
Просмотров: 1069 |
Добавил: ilbyak-school
| Рейтинг: 5.0/1 |
|
Добавлять комментарии могут только зарегистрированные пользователи. [ Регистрация | Вход ] |
|
|
