| Посетители |
Онлайн всего: 6 Гостей: 6 Пользователей: 0 |
|
Главная » 2011 » Июль » 30 » ӘБИ ПАТША
ӘБИ ПАТША | 21:58:42 |
Мәгълүм уладыр: әби падишаһдан элек булган падишаһлар әһле исламга дошман булганнар. Мәсҗедләр салырга ихтыяр булмаган, хәтта Аксак Каратун вакытында аслан мәсҗед булмаган. Әһле ислам анда-монда кабыктан вә тактадан ясап кына җыелып укыган. Әби падишаһ 1777 дә падишаһ булгач, әһле исламны яхшы күреп, мәсҗедләр салырга әмер иләгән. Хәтта Казанга килгәндә әһле исламны чакырып: «Урыс җәмәгасе сезгә җәбер кылмыйлармы, сезне хурламыйлармы?»— дип сорап, мөселманнар: «Жәбер кылмыйлар»,— дип әйтәләр икән. Хакимнәргә дә: «Мөселманнарга җәбер кыйлмагыз»,— ди икән. Мәсҗед салырга әмер булгач, әһле ислам, вакытны ганимәт белеп , мәсҗедләр салырга бик иҗтиһад кылганнар. Хәтта әби падишаһ Казанга килгәндә Иске бистәдә Юнысовлар мәхәлләсендә вә Апанаевлар мәхәлләсендә булган ике мәсҗеднең фасадын күрсәтеп биргән, дип мәсмугъмыздыр . Мөселман халкы мәсҗедләр салып манарасын кылдыкда, хакимнәр төшеп карап: «Мөселманнарга мәсҗед салырга рөхсәт бирдек, бик биек итеп салалар»,— дип гариза язганнар. Әби падишаһдан җавап килгән: «Мин йир йөзенен падишасы, йир өстендә хөкем йөртеп йир өстендә урын күрсәттем, һава тарафында минем эшем юк, ихтыярлары үзләрендә»,— дигән.
Аслан — бөтенләй.
Ганимәт белү — кадерен белеп калу.
Иҗтиһад — тырышлык.
Мәсмугъ — ишетүче, ишеткән кеше. |
|
Категория: Риваятьләр |
Просмотров: 1440 |
Добавил: ilbyak-school
| Рейтинг: 5.0/1 |
|
Добавлять комментарии могут только зарегистрированные пользователи. [ Регистрация | Вход ] |
|
|
