| Посетители |
Онлайн всего: 1 Гостей: 1 Пользователей: 0 |
|
Главная » 2011 » Июль » 27 » СӨЛӘЙМАН ХУҖА
СӨЛӘЙМАН ХУҖА | 18:20:01 |
Мөхәммәт пәйгамбәр исән чагында Мәккә шәһәреннән бер зур галим кеше Идел буена дин өйрәтер өчен җибәрелгән икән. Бу кеше Сөләйман атлы булып, галим булганга күрә, аны Сөләйман Хуҗа дип йөрткәннәр, ди.
Сөләйман Хуҗа Мәккә шәһәреннән, зур газаплар күреп, Шәһри Болгарга килгән, ди.
Шәһри Болгарда Сөләйман Хуҗаны хан, үзенең сараенда тотып, соңыннан аны, илне агартыр өчен, безнең якка җибәргән. Сөләйман Хужа илгә чыгып, зур мәдрәсә ачып, бик зур муллалар чыгарган. Алар, авылларга таралып, илне агартканнар, ди. Сөләйман Хуҗа бик күп телләрне белгән, ул Болгар илен бик нык яраткан, шуның өчен кире Мәккәгә кайтып китмәгән. Ул безнең бу як халкын яратып сөйли икән. Сөләйман Хуҗа әйтә булган: «Шәһри Болгар җире бик бәрәкәтле җир, ул җиргә ислам кылыч көче белән таралмаган. Болгар илендәге халык ислам динен үзләре теләп кабул иткәннәр, шуның өчен җомга намазында хөтбәләр агач таяк тотып кына укыла»,— дип.
Менә шушы Сөләйман Хуҗа безнең Иске Салман авылының беренче карт вә изге бабасы. Ул безнең Салман авылын нигезләүче бабабыз булган. Шуның исеменнән авыл Салман дип аталган, ди. |
|
Категория: Риваятьләр |
Просмотров: 1499 |
Добавил: ilbyak-school
| Рейтинг: 5.0/1 |
|
Добавлять комментарии могут только зарегистрированные пользователи. [ Регистрация | Вход ] |
|
|
