— Баскан урыныңда мәңгелеккә катып кал! — дигән, һәм шул секундта ук, аю бик зур тораташка әверелгән. Бу хәлдән соң күп гасырлар үткән. Аю-таудан ерак түгел авыллар калкып чыккан. Ләкин кешеләр тауга якын килергә батырчылык итмәгәннәр. Бөек аю кинәт кенә уяныр да янә барысын җимерә башлар кебек тоелган аларга.
Бервакыт Кырымга муеннарына кызыл галстуклар бәйләгән малайлар һәм кызлар килгәннәр. Аюдан курыкмыйча, таудан әллә ни ерак түгел урында үзләренең лагерьларын да корганнар. Алар курку белмәс пионерлар булганнар. Чыннан да, нигә куркырга Бөек аюдан? Бу тау хакында сөйләгәннәрнең барысы да риваять кенә ич!
