| Посетители |
Онлайн всего: 9 Гостей: 9 Пользователей: 0 |
|
Главная » 2024 » Декабрь » 8 » АРЫСЛАН БЕЛӘН КУЯН (Кыргыз халык әкияте)
АРЫСЛАН БЕЛӘН КУЯН (Кыргыз халык әкияте) | 12:41:40 |
Яшәгән, ди, бер озынколак Куян. Бөтен куяннар шикелле куркак булганга, үз оясыннан чыгып йөрмәгән ул. Шулай айлар буе гел өйдә утыру туйдыргач, көннәрдән бер көнне урман гизеп кайтмакчы булган бу. Бөтен кыюлыгын җыеп урыныннан кузгалуга, моның каршы- сына галәмәт зур Арыслан килеп чыккан. Куян дер калтырый башлаган. Арыслан, тешләрен шыгырдатып:
— Эләктеңме, озынколак! Хәзер мин сине ашыйм,— дигән.
Шулчак Куян як-ягына караган да хәйләкәр елмаеп сүз каткан:
— Ашасаң ашыйсың инде... Язмыштан узмыш юк, диләр. Әмма мине ашаганчы, сиңа бер сер сөйлисем килә...
— Нинди сер ул? Тизрәк сөйлә!
— Син — урманда иң көчле җанвар, син — урман патшасы! Әмма урман читендәге коеда яшәүче бер Арыслан әллә ниләр сөйли... Имеш, ул синнән көчлерәк, имеш, очратса, сине өзгәләп ташлаячак... Шул ахмакны акылга утыртсаң, үлсәм дә үкенмәс идем. Курыкма, мин беркая да китмәм...
Арыслан ярсуын көчкә тыеп ырылдап куйган:
— Кайда ул тел бистәсе? Алып бар мине шуның янына!
Куян Арысланны урман читендәге кое янына алып барган.
— Менә шунда яши ул. Кое төбендә. Мин куркам, үзең кара...
Арыслан, үрелеп карауга, кое төбендәге суда үз шәүләсен күреп ырылдап җибәргән:
— Ул миннән көчлерәкме? Мине өзгәләп ташлыйм, диме? Хәзер күрмәгәнен күрсәтәм мин аңа!
Арыслан ярсый-ярсый кычкырган да, бөтен көчен җыеп, коега сикергән.
Ә Куян аның суда батканын гына көтеп торган һәм, сикерә-сикерә, үзенең чытырманлыгына таба чапкан, ди. |
|
Категория: Дөнья халыклары якиятляре |
Просмотров: 5 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
