| Посетители |
Онлайн всего: 7 Гостей: 7 Пользователей: 0 |
|
Главная » 2024 » Декабрь » 9 » БАШНЫ АЯК КОТКАРДЫ (Поляк халык әкияте)
БАШНЫ АЯК КОТКАРДЫ (Поляк халык әкияте) | 11:23:20 |
Шулай берзаман чегәнне үлемгә хөкем иткәннәр. Моны дар агачы янына алып килгәннәр. Җәллад баудан элмәк ясагач, чегән ялварырга тотынган. «Зинһар өчен, үлем алдыннан соңгы мәртәбә туйганчы биергә рөхсәт итегез!» — дигән ул.
Казый рөхсәт биргәч, чегәннең кулларын чишкәннәр. Чегән очына- очына биеп киткән. Үзе бии, үзе такмаклап җырлый икән бу. Җыелган халык көлешә башлаган, чегән очынып биегән саен, түгәрәк зурая барган. Ул шулай канатланып биегән-биегән дә, түгәрәк эченнән сикереп чыгып, кинәт кенә юк та булган. Артыннан күпме генә кусалар да, тота алмаганнар моны.
Караңгы төшкәндә, чегән бер авылга барып җиткән һәм иң читтәге йортка кунарга кергән. Өй хуҗасы моңа урын-җир җәйгән, баш астына мендәр биргән. Күрә бу: чегән мендәрне баш очына түгел, ә аяклары астына сала икән. «Нишләп мендәрне алай саласың?» — дип сораган аннан хуҗа. «Шушы аякларым булмаса, башкаем исән калмас иде. Газиз башымны аякларым коткарды. Шуңа күрә иң зур хөрмәт аларга тиеш»,— дигән чегән һәм аякларын йомшак мендәргә салып йокыга талган, ди.
|
|
Категория: Дөнья халыклары якиятляре |
Просмотров: 5 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
