| Посетители |
Онлайн всего: 6 Гостей: 6 Пользователей: 0 |
|
Главная » 2024 » Декабрь » 08 » БАТЫР КУЯН (Вьетнам халык әкияте)
БАТЫР КУЯН (Вьетнам халык әкияте) | 09:26:11 |
Шулай берчакны Куян урман сукмагыннан уйга чумып килүче Филне очраткан.
— Нишләп болай кәефен, кырылды? — дигән аңа Куян.
— Ничек итеп кәефең китмәсен! Бүген Юлбарыс ашарга тиеш бит мине.
— Тапкансың куркыр нәрсә! — дип кәпрәйгән Куян.— Мине баш өстеңә атландырсаң, сиңа беркем тимәс.
Фил, моңа ышанырга да, ышанмаска да белмичә, Куянны баш өстенә менгереп утырткан.
— Әйдә, хәзер елга буена су эчәргә киттек. Исеңдә тот: мин йомшак тәпиләрем белән башыңа тибүгә, шунда ук егыл да үлгәнгә сабышып ят.
Фил елга ярына якынлашканда, урман эченнән Юлбарыс килеп чыккан. Юлбарысны күрүгә, Куян әче итеп сызгырып җибәргән һәм тәпиләре белән Филнең башына китереп типкән. Фил гөрселдәп җиргә ауган да үлгәнгә сабышып ята икән.
Моны күргән Юлбарысның куркудан коты очкан. «Куәт тә соң үзендә! Бер сугуда Филне аяктан екты!» — дип уйлаган ул.
Куян исә Фил өстеннән сикереп төшкән дә, Юлбарыска таба борылып, кычкырып җибәргән:
— Күптәннән Фил ите татып караган юк иде! Бүген туйганчы ашыйм икән!
Моны ишеткән Юлбарыс куркудан урман эченә кереп тайган. Куян исә аның артыннан болай дип кычкырып калган:
— Ерак киталмассың! Бүген үк бөтен урманны айкап чыгам, барыбер эзеңә төшәм дә тотып ашыйм мин сине!
Юлбарыс тау читендәге куышка кереп качкан да болай дигән:
— Дөньяда мин бик күп ерткыч җанварлар күрдем. Әмма батыр Куяннан да куркынычрак җанвар юк икән! |
|
Категория: Дөнья халыклары әкиятляре |
Просмотров: 28 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
