| Посетители |
Онлайн всего: 3 Гостей: 3 Пользователей: 0 |
|
Главная » 2024 » Декабрь » 7 » БЫТБЫЛДЫК БЕЛӘН ТӨЛКЕ (Вайнах халык әкияте)
БЫТБЫЛДЫК БЕЛӘН ТӨЛКЕ (Вайнах халык әкияте) | 18:54:00 |
Тамагы ач Төлке өнендә елап утыра икән. Бытбылдык моны күреп сүз каткан:
— Нәрсә булды сиңа, Төлке дус? Көлдеримме, ашарыңа биримме, әллә куркытыйммы үзеңне?
— Иң элек тамагымны туйдыр,— дигән Төлке.
— Ярый,— дигән аңа Бытбылдык.— Күрәсеңме, бер хатын килә. Аның кулында ике кабартма. Кабартма ашыйсың киләме?
Бытбылдык, очып, теге хатынның каршына килеп утырган.
«Бу кошны тотып улыма алып кайтыйм әле»,— дип уйлаган Хатын һәм, кабартмаларын җиргә куеп, Бытбылдыкны куып киткән. Ә Төлке шул арада кабартмаларны ашап та бетергән.
— Тамак туйды, хәзер көлдер инде,— дигән Төлке Бытбылдыкка.
Янәшәдә генә ике кеше җир сукалый икән. Бытбылдык алдагы агайның башына килеп кунган. Арттагысы кошка таяк белән сугам дигәндә, Бытбылдык очып киткән. Башы авыртудан алдагы агай кычкырып җибәргән. Төлке тәгәри-тәгәри көлә башлаган.
— Туйганчы көлдем. Инде хәзер куркытып кара,— дигән Төлке.
Бытбылдык Төлкене чытырманлыкка яшергән дә үзе эт иярткән аучылар янына очып киткән.
Этләр һау-һаулап моның артыннан чапканнар. Чытырманлык янына җиткәч, алар Төлкегә ташланганнар. Төлке көчкә качып котылган. Аучылар киткәч, ярсыган Төлке Бытбылдыкны эләктереп алган.
— Син минем башыма җитмәкче идең, инде менә хәзер үзеңне ашыйм,— дигән Төлке аңа.
— Туктале, Төлке дустым, бүген нинди көн? Атнаның кайсы көнендә үлгәнемне белеп калыйм,— дип ялварган аңа Бытбылдык.
— Җом-га-а,— дип авызын ачкан Төлке, һәм Бытбылдык, аның тешләреннән ычкынып, күккә очып киткән, ди.
Ай юрганы : Дөнья халыклары әкиятләре / [тәрҗ. һәм төз. Разил Вәлиев ; рәссамы Диләрә Нәүрузова].- Казан: Татар, кит. нәшр., 2011.- 302 б.
ISBN 978-5-298-02107-4
Китапта дөнья халыклары әкиятләре туплап бирелә. |
|
Категория: Дөнья халыклары якиятляре |
Просмотров: 56 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
