| Посетители |
Онлайн всего: 3 Гостей: 2 Пользователей: 1 |
|
Главная » 2024 » Декабрь » 3 » ЧИКЕРТКӘ НИЧЕК АШАРГА ЭЗЛӘГӘН ? (Америка Мөһаҗирләре әкияте)
ЧИКЕРТКӘ НИЧЕК АШАРГА ЭЗЛӘГӘН ? (Америка Мөһаҗирләре әкияте) | 20:05:49 |
Шулай бер кичне Чикерткә ашарга эзләп йөри икән. Кинәт каршысына Кәлтә шуышып чыккан да моны эләктереп алган.
— Зинһар өчен, җибәр мине! Җибәрсәң, бүтән беркайчан да монда килмәс идем,— дип ялварган Чикерткә.
— Юк инде, җибәрмим. Өйдә балаларым ач утыра. Мин аларга кичке ашка симез чикерткә алып кайтырга вәгъдә иттем,— дигән Кәлтә.
Шулчак яфраклар астыннан Бака сикереп чыккан да Кәлтәне эләктереп алган.
— Зинһар өчен, җибәр мине! Җибәрсәң, бүтән беркайчан да монда килмәс идем,— дип ялварган Кәлтә.
— Юк инде, җибәрмим. Өйдә мине бәләкәй бакаларым көтә. Мин аларга кичке ашка кәлтә алып кайтырга вәгъдә иттем,— дигән Бака.
Шулчак боларның каршысына Елан атылып чыккан да Баканы эләктереп алган.
— Зинһар өчен, җибәр мине! Җибәрсәң, бүтән беркайчан да монда килмәс идем,— дип ялварган Бака.
— Юк инде, җибәрмим. Өйдә мине бәләкәй еланнарым көтә. Мин аларга кичке ашка бака алып кайтырга вәгъдә иттем,— дигән Елан.
Шулчак һавадан Лачын атылып төшкән дә Еланны эләктереп алган.
— Зинһар өчен, җибәр мине! Җибәрсәң, бүтән беркайчан да монда килмәс идем,— дип ялварган Елан.
— Юк инде, җибәрмим. Өйдә мине бәләкәй балаларым көтә. Мин аларга кичке ашка елан алып кайтырга вәгъдә иттем,— дигән Лачын.
Шулчак, колакларны тондырып, мылтык аткан тавыш ишетелгән. Лачын куркуыннан Еланны ычкындырган, Елан — Баканы, Бака — Кәлтәне, Кәлтә Чикерткәне ычкындырып җибәргән.
Ай юрганы : Дөнья халыклары әкиятләре / [тәрҗ. һәм төз. Разил Вәлиев ; рәссамы Диләрә Нәүрузова].- Казан : Татар, кит. нәшр., 2011.- 302 б.
ISBN 978-5-298-02107-4
Китапта дөнья халыклары әкиятләре туплап бирелә. |
|
Категория: Дөнья халыклары якиятляре |
Просмотров: 8 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
