| Посетители |
Онлайн всего: 7 Гостей: 7 Пользователей: 0 |
|
Главная » 2024 » Декабрь » 9 » ДҮРТ СУКЫР ҺӘМ ФИЛ (Һинд халык әкияте)
ДҮРТ СУКЫР ҺӘМ ФИЛ (Һинд халык әкияте) | 18:46:46 |
Дүрт сукыр кеше, сөйләшә-сөйләшә, юл буйлап бара икән. Боларның каршысына гаҗәеп зур фил очраган.
— Юл бирегез, фил килә! — дип кычкырган аларга кемдер.
— Ә фил нинди була ул? — дип сораган сукырларның берсе.— Аны тотып карарга ярыймы?
— Бераз туктап тор әле. Сукырларның филне күрәсе килә! — дип, юл кырындагы кешеләр фил өстендәге малайга кычкыра башлаганнар.
Филне туктаткач, дүрт сукыр, аның янына килеп, куллары белән капшарга тотынганнар. Берсе филнең озын борынын, икенчесе аягын, өченчесе корсагын, дүртенчесе койрыгын тотып караган. Сукырлар филне шулай капшап бетергәч, малай аны юл буйлап куып киткән.
— Филнең нинди икәнен аңладыгызмы инде? — дип сораган сукырлардан юл читендәге бер кеше.
— Аңладык! — дип дәррәү җавап биргәннәр алар.
— Нинди соң ул? — дигән теге кеше.
Филнең озын борынын капшап караган сукыр шулчак:
— Ул юан елан төсле икән,— дип әйтеп салган.
— Юк ла, ул баганага охшаган бит,— дигән филнең аягын тотып караган сукыр.
— Сез икегез дә ялгышасыз. Ул су мичкәсе сыман түгәрәк икән! — дип, сүзгә кушылган филнең корсагын капшап караган сукыр.
— Юкны сөйләмәгез. Ул көтүче чыбыркысына охшаган! — дигән аларга филнең койрыгын тотып караган сукыр.
Дүрт сукыр шулай, бер-берсен уздыра-уздыра, фил турында сөйләп, юлларын дәвам иткәннәр. Әле бүген дә аларның, бу бәхәстән туктап, фил хакында уртак фикергә килә алганнары юк, ди. |
|
Категория: Дөнья халыклары якиятляре |
Просмотров: 2 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
