| Посетители |
Онлайн всего: 6 Гостей: 6 Пользователей: 0 |
|
Главная » 2024 » Декабрь » 8 » ФИЛ БЕЛӘН КӘҖӘ (Конго халыклары әкияте)
ФИЛ БЕЛӘН КӘҖӘ (Конго халыклары әкияте) | 11:47:46 |
Яшәгән, ди, бер мактанчык Фил. Көннәрдән бер көнне ул бөтен җәнлекләрне җыйган да:
— Дөньяда миннән дә күбрәк ашаучы юк,— дип мактанырга тотынган.
— Ә мин синнән күбрәк ашыйм, әйдә бәхәсләшәбезме?! — дигән аңа Арыслан.
Болар ярышып ашый башлаганнар, бераздан Арыслан хәлдән таеп егылган.
— Уф, шартлыйм!
Шулчак Каплан урыныннан сикереп торган.
— Арысланнан рәт чыкмады, ләкин мин сиңа бирешмәм,— дигән.
Ашыйлар икән болар, ашыйлар икән. Тик Каплан да артык озакка түзмәгән, эчен тотып, җиргә утырган. Тагын берничә җәнлек Фил белән ярышып караган, ләкин берсе дә аны уздыра алмаган. Бар җәнлекләр җиңелеп беткәч, Кәҗә урыныннан кузгалган да итагатьле генә сүз каткан:
— Фил әфәнде, миңа да рөхсәт итсәгезче?!
— Әйдә соң! Олы җәнлекләр җиңә алмаганны, син ни кыра алырсың икән?
Төш уртасында ашый башлаган болар. Инде менә төн дә җиткән, ә Кәҗә һаман күши икән.
— Бүгенгә җитәр, ярышны иртәгә дәвам итәрсез! — дип, җәнлекләр йокларга яткан.
Фил төн уртасында уянып китсә, Кәҗә һаман күши, ди.
— И Кәҗә кадерлем, син һаман ашыйсыңмыни? — дигән Фил.
Кәҗә тәтелдәп тезеп киткән:
— Әйдә тор, ярышны башларга вакыт. Нигә тормый ятасың?
«Болай барса, тиздән тирә-юньдәге бар нәрсәне ашап бетерәчәк, ә аннары миңа тотыначак. Йоклап ятсаң, сөякләрең дә калмас»,— дип уйлаган Фил һәм безнең яклардан бөтенләйгә качып киткән. |
|
Категория: Дөнья халыклары якиятляре |
Просмотров: 5 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
