| Посетители |
Онлайн всего: 3 Гостей: 3 Пользователей: 0 |
|
Главная » 2024 » Декабрь » 9 » ИКЕ АЛДАКЧЫ (Португал халык әкияте)
ИКЕ АЛДАКЧЫ (Португал халык әкияте) | 11:36:57 |
Яшәгән, ди, абыйлы-энеле ике ярлы егет. Эшләп-эшләп тә мантый алмагач, кеше алдап гомер итәргә булганнар болар.
— Әйдә, авылдан авылга йөрибез. Мин халыкка ялган сүз сөйлим, ә син арттан җөпләп барырсың,— дигән абыйсы энесенә.
Болар җыенып, юлга чыкканнар. Абый кеше урамга килеп керүгә үк:
— Күрше авылда могҗиза булды! Беләсегез килсә, акча бирегез! — дип кычкыра башлаган.— Күрше авылда җиде куллы бала туды!
Беркатлы кешеләр моңа акча биргәннәр, ә кайберләре ышанмыйча тик карап торалар икән. Шулчак алдакчының энесе күренгән һәм:
— Юк, җиде куллы бала күрмәдем мин. Әмма берәүләрнең ишегал-дындагы кер бавында җиде җиңле бәби күлмәге эленеп тора иде. Шул булса гына инде... — дигән.
— Димәк, дөрес инде,— дип шаулашкан халык, һәм кешеләр берәм- берәм алдакчының кесәсенә акча сала башлаганнар.
Ул арада моның абыйсы, күрше авылга җитеп, андагы халыкка кемнеңдер нарат башында тегермән коруы хакында сөйләп тора икән. Авыл халкы шаккатып, авыз ачып тыңлагач, ул, кесәсенә акча тутырып, ары киткән. Икеләнүчеләр, ышанмаучылар да булган, билгеле. Ул арада алдакчының энесе авылга килеп кергән.
— Ә син нарат башындагы тегермәнне күрдеңме? — дип сораганнар аннан.
— Тегермән күрмәдем, әмма бер агай агач башыннан он капчыгы күтәреп төшеп килә иде,— дип, сүзгә кушылган икенче алдакчы.
— Димәк, бу хәбәр дөрес булып чыга инде,— дип сөенгәннәр авыл кешеләре һәм берәм-берәм алдакчының кесәсенә акча сала башлаганнар.
Агалы-энеле ике алдакчы әле һаман да авыл саен йөреп әкият сөйли, ә халык аларны рәхәтләнеп тыңлый, ди. |
|
Категория: Дөнья халыклары якиятляре |
Просмотров: 1 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
