| Посетители |
Онлайн всего: 3 Гостей: 3 Пользователей: 0 |
|
Главная » 2024 » Декабрь » 7 » ИКЕ ТЫЧКАН (Бурят халык әкияте)
ИКЕ ТЫЧКАН (Бурят халык әкияте) | 18:35:25 |
Шулай берзаман сөт тулы казан тирәсендә ике тычкан чабышып йөри икән. Сөт тәме боларның тамакларын кытыклый, әмма үрелеп эчәргә буйлары җитми, ди.
— Син, дустым, казан кырыена бас,— дигән тычканнарның берсе икенчесенә.— Ә мин җилкәңә менәрмен дә үрелеп сөт эчәрмен. Койрыгымнан тотып торырга онытма, югыйсә казан эченә егылып төшүем бар. Мин эчеп туйгач, син менәрсең.
Болар шулай иткәннәр дә.
Беренче тычкан сөтне эчә дә эчә, эчә дә эчә икән. Ә икенчесе, тегенең койрыгын авызына капкан килеш, эчтән генә: «Бу, хәйләкәр, сөтнең иң тәмле, иң куе җирен ялап бетерә бит»,— дип уйлый, ди. Ул түзеп-түзеп торган да кинәт кенә: «Җитте сиңа!» — дип кычкырып җибәргән. Койрыгы ычкынган тычкан шулчак казан эченә төшеп киткән.
— Баттыңмы, комсыз, хәзер бөтен сөт минеке! — дип куанган икенче тычкан.
Әмма, казан тирәсендә күпме бөтерелсә дә, өскә үрмәләп менә алмаган. Сөт эчәргә теләп, тырыша-тырмаша торгач, шунда ачлыктан үлеп тә киткән, ди.
Ай юрганы : Дөнья халыклары әкиятләре / [тәрҗ. һәм төз. Разил Вәлиев ; рәссамы Диләрә Нәүрузова].- Казан: Татар, кит. нәшр., 2011.- 302 б.
ISBN 978-5-298-02107-4
Китапта дөнья халыклары әкиятләре туплап бирелә. |
|
Категория: Дөнья халыклары якиятляре |
Просмотров: 6 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
