Главная » 2024 » Декабрь » 09 » ЙӘ МАЛЫҢ, ЙӘ ҖАНЫҢ (Рус халык әкияте)
ЙӘ МАЛЫҢ, ЙӘ ҖАНЫҢ (Рус халык әкияте) | 11:57:43 |
Диңгез буйлап товар төягән кораб йөзеп бара икән. Кинәт кенә давыл чыгып, кораб, дулкыннарга бата-чума, көчкә-көчкә хәрәкәт итә башлаган. Тәүлек буе котыргач, диңгез тынычланган, һәм хәлдән тайган капитан, каютасына кереп, тирән йокыга талган.
Шулчак диңгездә алагаем зур Кит балыгы пәйда булган да телгә килеп болай дигән:
— Йә корабтагы бөтен малларыңны миңа бирәсең, йә хәзер үзеңне кабып йотам!
Куркуга калган капитан корабтагы бөтен товарны биргән. Кит балыгы аларны кабып йоткан да тагын капитанга сүз каткан:
— Хәзер инде яныңдагы бөтен кешеләрне миңа бир, юкса үзеңне кабып йотам, ә корабыңны диңгезгә батырам!
Нишләсен капитан, монысына да ризалык бирергә мәҗбүр булган. Кит балыгы кешеләрне кабып йоткан да, корабны бер кат урап чыккач, тагын телгә килгән:
— Минем соңгы таләбем шул: йә корабыңны бирәсең, йә үзеңне кабып йотам!
Моны ишеткәч, капитанның бөтенләй коты очкан. Ярга кадәр әле йөз чакрым барасы. Корабны бирсәң, һичшиксез, диңгез төбенә китәсең. Үзең Кит балыгы авызына керсәң, кораб капитансыз калачак һәм батачак.
Сезнеңчә, корабны, андагы малларны, кешеләрне һәм үзен саклап калу өчен капитанга нишләргә кирәк?
Җавап: Тизрәк йокыдан уянырга кирәк. |
|
Категория: Дөнья халыклары әкиятляре |
Просмотров: 26 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
