| Посетители |
Онлайн всего: 6 Гостей: 6 Пользователей: 0 |
|
Главная » 2024 » Декабрь » 8 » ЯХШЫ БЕЛӘН ЯМАН ЯНӘШӘ (Дания халыклары әкияте)
ЯХШЫ БЕЛӘН ЯМАН ЯНӘШӘ (Дания халыклары әкияте) | 09:43:15 |
Авыл агае, арба тартып, тегермәнгә бара икән. Юлда моңа бер юлчы очрап, үзара сөйләшеп киткәннәр.
— Хәерле көн! Тормышлар авыр түгелме? — дип сүз каткан агай әлеге юлчыга.
— Белмим, авырлыгын үлчәп караганым юк,— дигән тегесе, исе дә китмичә.
— Тегермән тартамы?
— Җил булса, тарта торгандыр...
— Бик сәер егет булып чыктың әле син. Сүзеңнең рәте-чираты юк. Юньләп сөйләшмисең.
— Мин егет түгел, өйләнгән. Егермене тутырдым.
— Бик яхшы.
— Нәрсәсе яхшы аның? Карт хатын эләкте миңа.
— Алайса, начар инде...
— Ул кадәр үк начар түгел.
— Нишләп?
— Менә дигән йорты бар, акчасы да бер букча.
— Алайса, әйбәт икән.
— Әйбәтен әйбәт, әмма ул букчада гел вак акча гына булып чыкты.
— Монысы начар булган.
— Бик үк начар түгел. Шул вак акчага дүрт симез дуңгыз сатып алдым.
— Әйбәт булган.
— Алай ук әйбәт түгел шул. Дуңгыз мае эреткәндә, әнием ут чыга¬рып, йортыбыз янды.
— Монысы начар булган.
— Ул кадәр начар түгел лә. Яңа йорт салып кердек.
— Монысы әйбәт булган.
— Бик үк әйбәт түгел шул. Хатыным өй түбәсенән егылып төште дә үлеп китте.
— Монысы начар булган.
— Начарын начар, әмма нишлисең. Шуннан соң яшь хатын алырга туры килде.
— Менә монысы әйбәт!
— Бик үк әйбәт түгел шул. Яшь хатын гел матур кием киеп, тәмле ризык ашап, кәеф-сафа корып кына йөри, бер эш эшләми. Бөтен хуҗалыкны үзем алып барам: кер юам, ашарга пешерәм, өй җыештырам.
— Менә инде монысы, чыннан да, начар икән.
— Начар гынамы соң?! Тормыш түгел, тәмуг бу! — дигән дә әлеге юлчы, саубуллашып, сөйләнә-сөйләнә ары киткән, ди. |
|
Категория: Дөнья халыклары якиятляре |
Просмотров: 3 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
