| Посетители |
Онлайн всего: 1 Гостей: 1 Пользователей: 0 |
|
Главная » 2024 » Декабрь » 9 » ЯЛКАУ МАЛАЙ ҺӘМ ЧЫПЧЫК (Хакас халык әкияте)
ЯЛКАУ МАЛАЙ ҺӘМ ЧЫПЧЫК (Хакас халык әкияте) | 18:17:43 |
Бер ялкау малай җәйге челләдә елга ярында юкны бушка аударып утыра икән. Утыра торгач, су коенасы килә башлаган моның. Ләкин ул, чишенергә иренеп, ниятеннән кире кайткан.
Шулвакыт агач башындагы Чыпчык такмаклый-такмаклый чыркылдарга тотынган:
— Тирләп-пешеп беткәнсең ич. Су коенып алыр идең...
— Әйтүе генә ансат,— дип җавап биргән малай.— Әгәр суда бата башласам, кем коткарыр мине?
— Яр буендагы талга тотынырсың.
— Әйтергә ансат ул. Әгәр кулымны авырттырсам?
— Соң, алайса, бияләй ки,— дип көлгән аннан Чыпчык.
— Бияләем чыланса? — дип, авызын турсайткан малай.
— Кояшта киптерерсең.
— Әгәр бияләй ботакка эләгеп ертылса?
— Ямарсың.
Чыпчык малайның баш очында бөтерелә-бөтерелә чыркылдавында булган. Ялкау малай исә, яр буенда кырын яткан килеш, авыз эченнән генә һаман мыгырдана икән:
— Ямаганда, энә белән бармакка кадасам?
— Уймак кисәң — кадамассың.
Чыпчыкның үрти-үрти чыркылдавы малайны тәмам чыгырыннан чыгарган.
— Әле һаман акыл өйрәтәсеңме?! — дип кычкырган ул һәм аяк астындагы бер ташны алып Чыпчыкка томырган.
Кизәнеп ыргытканда, аягы таеп, малай елгага барып төшкән. Чыпчык пырылдап очып киткән.
Малай, судан чыгып, тагын яр буена сузылып яткан. Үзе кояшта кызына, үзе һаман Чыпчыкны каргый икән. |
|
Категория: Дөнья халыклары якиятляре |
Просмотров: 3 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
