| Посетители |
Онлайн всего: 6 Гостей: 6 Пользователей: 0 |
|
Главная » 2024 » Декабрь » 9 » ЯРЛЫ БЕЛӘН БАЙ (Кытай халык әкияте)
ЯРЛЫ БЕЛӘН БАЙ (Кытай халык әкияте) | 09:48:39 |
Бервакыт ярлы урамда бай әфәнде яныннан бил бөгеп исәнләшми генә үтеп киткән.
— Нишләп бил бөгеп сәламләмисең? Әллә син үзеңнең хәерче, минем бай икәнлекне оныттыңмы? — дип җикергән аңа бай әфәнде.
— Беләм, онытмадым,— дигән ярлы.— Әмма ни өчен мин беренче булып сәлам бирергә тиеш икәнлеген генә аңламыйм.
— Нәрсә, әллә син ярлыларның байларга бил бөгәргә тиешлеген оныттыңмы?
— Сезнең байлыкның миңа ни катнашы бар? — дип сораган аннан ярлы.
— Менә, мәсәлән, мин сине бай кеше итә алам! — дип, вәкарь белән сүзен дәвам иткән бай әфәнде.— Телим икән, ярты байлыгымны сиңа бүләк итә алам... Шуның өчен дә син, мине күрүгә үк, бил бөгеп сәлам бирергә тиешсең!
— Сезнеке кадәр акчам булгач, аннары нигә дип беренче булып сәлам бирим ди инде мин? — дип, хәйләкәр елмайган ярлы.
— Алайса ярый! — дип кычкырган бай әфәнде.— Әгәр бөтен бай-лыгымны бирсәм, син мине ерактан ук бил бөгеп сәламләрсеңме?
— Әгәр дә мәгәр сез миңа бөтен байлыгыгызны бирсәгез, димәк ки, ул чакта мин — бай, сез ярлы булачаксыз. Ә сез бит үзегез ярлылар байларны бил бөгеп сәламләргә тиеш, дидегез. Шулай булгач, мин сезне түгел, ә сез мине бил бөгеп сәламләгез! — дигән дә ярлы көлә-көлә юлын дәвам иткән. |
|
Категория: Дөнья халыклары якиятляре |
Просмотров: 2 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
