| Посетители |
Онлайн всего: 7 Гостей: 7 Пользователей: 0 |
|
Главная » 2024 » Декабрь » 9 » ЮЛБАРЫС, БҮРЕ ҺӘМ ТӨЛКЕ (Һинд халык әкияте)
ЮЛБАРЫС, БҮРЕ ҺӘМ ТӨЛКЕ (Һинд халык әкияте) | 18:44:50 |
Шулай берчак Юлбарыс авырып киткән, ди. Бөтен җәнлек- җанварлар аның хәлен белергә килгән, алар арасында бары тик Төлке генә юк икән. Бүре, Төлкедән үч алырга теләп, бу турыда авыру Юлбарысның колагына пышылдаган. Усал урман патшасының моңа бик тә ачуы чыккан.
— Төлке күренү белән үк, миңа хәбәр бирегез! — дип җикергән ул.
Ниһаять, Төлке дә Юлбарысның хәлен белергә ният иткән. Билгеле, Бүренең үзе турында Юлбарыска ниләр пышылдаганын ишеткән инде ул.
— Моңа кадәр кайда йөрдең? — дип ырлаган Юлбарыс.
— Сезгә дару эзләдем,— дигән аңа Төлке.
— Таптыңмы соң? — дип сораган аннан Юлбарыс.
— Мин бер бик атаклы табиб белән киңәштем. «Әгәр Бүренең бот сөяген ашаса, падишаһыгыз икенче көнне үк аякка басачак»,— диде ул.
Юлбарыс, күп уйлап тормыйча, янәшәсендә утыручы Бүрене сугып еккан да аның бот сөяген кимерергә тотынган.
Төлке, тиз генә Юлбарыс белән саубуллашып, урманга чыгып чапкан. Аның артыннан, канлы аягын өстерәп, Бүре ияргән. Шулчак Төлке, артка таба борылып, болай дигән:
— Патшаларга хезмәт итәргә яллансаң, авызыңны чамалап ачарга өйрән, туган! |
|
Категория: Дөнья халыклары якиятляре |
Просмотров: 3 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
