| Посетители |
Онлайн всего: 2 Гостей: 2 Пользователей: 0 |
|
Главная » 2024 » Декабрь » 9 » ЮЛБАРЫСКА АТЛАНЫП (Монгол халык әкияте)
ЮЛБАРЫСКА АТЛАНЫП (Монгол халык әкияте) | 10:59:01 |
Яшәгән, ди, карт белән карчык. Булган, ди, боларның бер чуар сыеры. Үткән төнне генә шул соңгы сыерларын да Юлбарыс харап иткән, ди.
— Кичә Юлбарыс Чуаркаебызны буып китте. Бүген дә безгә килми калмас,— дип кайгыга төшкән карчык.
— Бүген килүен килмәс, әле тамагы ачмагандыр. Шулай да аннан лапас түбәсен япмый котылып булмас. Юлбарыс түгел, әнә шул тишек борчый мине,— дип сукранган карт.
Лапас кырына килеп поскан Юлбарыс боларның бөтен сүзләрен ишетеп торган. «Нинди Тишек? Монысы тагын нинди ерткыч җанвар икән? Картның котын алырлык булгач, миннән дә куәтлерәктер инде ул»,— дип уйлаган Юлбарыс.
Шулчак лапас түбәсенә бер карак үрмәләп менеп бара икән. Аягы таеп киткән дә ул, лып итеп, Юлбарыс сыртына егылып төшкән. Юлбарыс, аны Тишек атлы җанвар дип уйлап, җан авазы белән ырылдаган да чабып киткән. Ә карак аның ялына көчкә тотынып бара, үзе: «Бигрәк җиңел аяклы сыер булды бу»,— дип куана, ди.
Чаба торгач, таң ата башлаган. Карак күзләрен ачып караса, үзенең Юлбарыска атланып барганын күргән. Куркуыннан ул шунда ук җиргә тәгәрәп төшкән. Ә Юлбарыс хәлдән таеп егылганчы чапкан да чапкан. Шул китүеннән ул бу якларга кире әйләнеп кайтмаган.
Ышанмыйсызмы? Ышанмасагыз, кара төн уртасында чуар сыер янына лапаска чыгып карагыз. |
|
Категория: Дөнья халыклары якиятляре |
Просмотров: 2 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
