| Посетители |
Онлайн всего: 2 Гостей: 2 Пользователей: 0 |
|
Главная » 2024 » Декабрь » 8 » КӨРӘН ТӨСТӘГЕ ПИНГВИН БАЛАСЫ (Инглиз халык әкияте)
КӨРӘН ТӨСТӘГЕ ПИНГВИН БАЛАСЫ (Инглиз халык әкияте) | 09:52:48 |
Шулай берзаман король пингвиннары нәселеннән Принц атлы бәби йомырка эчендә утыра икән. Моның тизрәк дөньяга чыгып, үз ишләре белән уйныйсы килә, ди. Менә ул томшыгы белән йомырка кабыгына төрткән, аннан аңа аягы белән китереп типкән, һәм, ниһаять, кабык ярылып, Пингвин баласы якты дөньяга чыккан. Әни пингвин үз баласына караган да шаккаткан. «Бөтен пингвиннарның аркалары кара, түшләре ак, ә минем бәбием көрән төстә,— дип уйлаган ул.— Әгәр яхшылап юсаң, ул да шулар кебек булмас микән?»
Әни пингвин томшыгы белән күпме генә кырса да, Принц һаман көрән булып кала биргән.
— Белдем! Белдем! — Әни пингвин, бер чүлмәк бал алып, баласының бөтен җиренә дә бал сылаган. Аннары, Ак аюны чакырып, балны яларга кушкан. Принцның көрән төсе шулай бетәр дип уйлаган ул.
— Ай, кытыгым килә! — дип көлгән Принц.
Ак аю, тырыша-тырыша, балны ялаган. Ләкин күпме генә яласа да, Пингвин һаман көрән килеш калган.
— Принц кар тавына менсен дә шуннан аска тәгәрәп төшсен, бәлки, кар аның көрән төсен алыр,— дип акыл биргән Ак аю.
Тик таудан тәгәрәп төшүгә дә карамастан, Принцның төсе үзгәрмәгән.
— Әйдәгез, Ябалак белән киңәшеп карыйк, ул дөньядагы кошлар арасында иң акыллысы,— дигән Әни пингвин.
Ябалак боларга караган да елмаеп куйган:
— И-и, кызык та соң! Үзең — Әни пингвин, үзең бәби пингвиннарның туган чакта көрән булуын, ә бераз үскәч, аклы-каралыга әйләнүен дә белмисең!
— Аһ, әйе шул! — дип шатланган Әни пингвин.— Бөтенләй истән чыккан!
Барысы да Ябалак әйткәнчә булган. Озакламый Принц ябага койган һәм кара аркалы, ак түшле король пингвинына әйләнгән. |
|
Категория: Дөнья халыклары якиятляре |
Просмотров: 3 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
