| Посетители |
Онлайн всего: 2 Гостей: 2 Пользователей: 0 |
|
Главная » 2024 » Декабрь » 7 » КАРТ КӨТҮЧЕ ҺӘМ МАКТАНЧЫК АУЧЫ (Бурят халык әкияте)
КАРТ КӨТҮЧЕ ҺӘМ МАКТАНЧЫК АУЧЫ (Бурят халык әкияте) | 18:33:23 |
Яшь кенә бер аучы гомерендә беренче мәртәбә урманга ауга чыгып киткән. Үзе карурман буйлап бара, үзе курка-курка як-ягына карана, ди, бу. Тирә-юнь тып-тын. Кинәт агач ботаклары сынган, ташлар тәгәрәгән тавыш ишетелгән. Яшь аучы куркудан биек нарат башына үрмәләп менеп киткән. Караса, аста ике пәһлеван — аю белән кабан дуңгызы сугыша икән.
Аю тау башыннан кабан дуңгызына таш ыргыта. Кабан дуңгызы тауга сикереп менә дә казык теше белән аюның корсагын ярып җибәрә. Аю, соңгы көчен җыеп, аягына баса да алгы тәпие белән кабан дуңгызын сугып ега. Шулчак икесе дә җиргә авып җан бирәләр.
Яшь аучы агач башыннан төшә дә авылга таба чаба. Үзе чаба, үзе бар көченә: «Мин аю белән кабан дуңгызы үтердем!» — дип кычкыра икән. Моны ишеткән авыл кешеләре, җыелышып, урманга китәләр. Җирдә яткан аю белән кабан дуңгызын күргәч, аучыны мактарга тотыналар. Яшь аучы, мылтыгын болгый-болгый, үзенең батырлыгы турында сөйли башлый.
Шулчак читтән генә карап торган карт кына көтүче аягы белән җиргә тибеп куя да: «Карагыз әле, карагыз! Аю үлмәгән бит, тәпиен селкетә. Кабан дуңгызы тешен шыгырдата. Исән бит болар... Хәзер сикереп торачаклар!» — дип кычкырып җибәрә.
Моны ишеткәч, яшь аучы куркудан мылтыгын җиргә ташлый да нарат башына үрмәләп менеп китә. Авыл агайлары, карурманны яңгыратып, туйганчы көләләр дә, егетне агач башында калдырып, өйләренә кайтып китәләр.
Ай юрганы : Дөнья халыклары әкиятләре / [тәрҗ. һәм төз. Разил Вәлиев ; рәссамы Диләрә Нәүрузова].- Казан: Татар, кит. нәшр., 2011.- 302 б.
ISBN 978-5-298-02107-4
Китапта дөнья халыклары әкиятләре туплап бирелә. |
|
Категория: Дөнья халыклары якиятляре |
Просмотров: 5 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
