| Посетители |
Онлайн всего: 1 Гостей: 1 Пользователей: 0 |
|
Главная » 2024 » Декабрь » 10 » КАЗ МУЕНЫ (Яһүд халык әкияте)
КАЗ МУЕНЫ (Яһүд халык әкияте) | 09:22:24 |
Яшәгән, ди, бер ярлы яһүд кешесе. Ул шулкадәр фәкыйрь булган ки, хәтта изге шимбә көнне дә итле аш пешереп ашый алмаган.
Шулай беркөнне ул, Ходай ярдәме белән азмы-күпме акча юнәтеп, базардан каз муены сатып алган. Өенә йөгереп кайткан да хатынына болай дигән:
— Ходай безгә шундый бүләк җибәргән икән, әйдә, бүген бәйрәм өстәле әзерлик! Син каз муены пешерә тор, мин, синагогага барып, шимбә кунагы алып кайтырмын.
Ире китүгә, хатыны аш пешерә башлаган. Аш кайнаган саен, ите пештеме икән дип, әледән-әле кабып карый икән бу. Шулай капкалый торгач, каз муенының сөяге генә калган, ди. Нәкъ шул чакны, синагогадан кунак ияртеп, ире кайтып килә икән. «Бетте башым! Инде нишләргә?» — дип, кайгыга калган хатын. Ире күрше бүлмәгә кул юар¬га кереп китүгә, ул елый-елый кунакка зарланырга тотынган:
— Алла хакы өчен, минем иремнән сак булыгыз! Күрдегезме, ул күрше бүлмәгә пычак кайрарга кереп китте. Тагын сугыш-фәлән чыгармаса ярый инде. Кешегә пычак белән ташлана торган гадәте бар аның...
Бу сүзләрне ишеткән кунак, уңга-сулга карамыйча, урамга чыгып йөгергән.
«Кунагыннан котылдым, инде иремә нинди хәйлә табарга?» — дип уйлаган хатын. Һәм, ире күрше бүлмәдән чыгуга, аңа кычкырырга тотынган:
— Каян мондый оятсыз кунак таптың син? Бәйрәмгә дип пешергән каз муенын эләктерде дә урамга чыгып чапты!
Моны ишеткән ир өстәлдәге пычакны алган да кунак артыннан чыгып йөгергән. Үзе йөгерә, үзе: «Муен кайда?! Муенны бир! Каз муенын!» — дип кычкыра, ди. |
|
Категория: Дөнья халыклары якиятляре |
Просмотров: 4 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
