| Посетители |
Онлайн всего: 7 Гостей: 7 Пользователей: 0 |
|
Главная » 2024 » Декабрь » 9 » КЕМНЕҢ ТАВЫШЫ КӨЧЛЕРӘК? (Нганасан халык әкияте)
КЕМНЕҢ ТАВЫШЫ КӨЧЛЕРӘК? (Нганасан халык әкияте) | 11:10:45 |
Тундра буйлап барганда, Төлке бер башы җирдән чыгып торган корыган агач ботагы күргән. Теше белән тарта торгач, агачны җирдән суырып чыгарган бу. Агачта ап-ачык булып теш эзләре калган. Төлке шушы агач ботагын тоткан да, теш эзенә күрсәтә-күрсәтә, тундрадагы барлык җәнлек-җанварларга сөрән салган: «Күрәсезме, урыс патшасыннан хат килде. Ул миңа кемнең тавышы көчсез, юньләп ишетелми, шуны тотып ашарга фәрман биргән».
Шулчак җәнлек-җанварлар берсен берсе уздырып үкерергә, уларга, чинарга тотынганнар, ди. Билгеле инде, Куянның, Тиеннең һәм Тычканның тавышы бик зәгыйфь чыккан. Төлке аларны берәм-берәм ашап бетергән. Тундрада калын тавышлы Аю белән Бүре генә калган.
Әнә шулай дуслар булып, алар өчесе бергә юлга чыгып киткәннәр, ди. Кичкә таба, бер тирән чокыр янына җиткәч, хәл җыярга туктаганнар. «Сез бик каты йоклыйсыз, төнлә егылып төшүегез бар. Мин чокыр кырына ятыйм, уртага Бүре, ә теге читкә Аю ятсын,— дип сүз каткан аларга Төлке.— Берүк төнлә мине чокырга төртеп төшерә күрмәгез. Сорасам, күчеп ятарсыз...»
Шулай йокларга яткан, ди, болар. Аю белән Бүре йокыга киткәч, Төлке аларның урталарына кереп яткан. Аннары, терсәге белән төртеп, Бүрегә болай дигән: «Күчеп ят әле, югыйсә чокырга егылып төшәм бит».
Бүре, йокылы-уяулы килеш урыныннан күчүгә, чокыр төбенә төшеп тә киткән. Төлке аннан Аюны уяткан. Болар бергәләп, чокыр төбенә төшеп, рәхәтләнеп бүре ите ашаганнар да тагын йокларга ятканнар. Төлке чокыр кырыеннан урын алган. Аю йокыга киткәч, Төлке аның өстеннән атлап чыккан да тегенең касыгына төрткән: «Күчеп ят әле, егылып төшәм бит». Аю, урыннан күчәм дип, чокыр төбенә очып төшеп китүен сизми дә калган. Ә Төлке туйганчы аю ите ашаган да үз юлы белән ары китеп барган, ди. |
|
Категория: Дөнья халыклары якиятляре |
Просмотров: 4 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
