| Посетители |
Онлайн всего: 11 Гостей: 11 Пользователей: 0 |
|
Главная » 2024 » Декабрь » 9 » КУЯННЫҢ КОЛАГЫ НИГӘ ОЗЫН? (Манси халык әкияте)
КУЯННЫҢ КОЛАГЫ НИГӘ ОЗЫН? (Манси халык әкияте) | 10:09:35 |
Берзаманны Әти поши белән Әни поши урман аланында сөйләшеп торалар икән. Шулчак урман буйлап чабып баручы Куян болар- ны күргән дә, агач төбенә посып, ни сөйләгәннәрен тыңлый башлаган.
— Минем җәнлек-җанварларга өләшәсе мөгезләрем бар,— дигән Әти поши.— Тик менә урманда җәнлек-җанвар бик күп, ә мөгезләр берничә генә. Кайсына бирергә дә белгән юк.
Моны ишеткән Куян эчтән генә: «Ә мин кемнән ким? Мөгезле булсам, бөтен урманны куркытып торыр идем»,— дип уйлап куйган.
— Мөгезләрне кемгә бирим икән соң? — дигән Әти поши хатынына.
— Монысын Боланга бир. Югыйсә гел кыерсыталар аны...
— Ярый,— дигән Әти поши.— Ә менә бу иң зур мөгезне кемгә бирим? Шулчак Куян түзмәгән, агач төбе артыннан башын сузып, сүз каткан: — Анысы миңа булсын! Миңа, Куянга!
— Сиңа нигә ул мөгез? — дип сораган Әти поши.
— Ничек инде «нигә»? — дигән Куян.— Бөтен дошманнарны дер калтыратып тоту өчен.
Поши бәхәсләшеп тормаган, иң зур мөгезне Куянга биргән. Куян исә сөенеченнән сикерә-сикерә биергә тотынган. Шулчак моның башына шап итеп нарат күркәсе килеп төшкән. Куян куркуыннан чабып киткән. Куаклар арасына барып керүгә, моның мөгезләре ботакларга уралып чәбәләнгән. Куян ни артка, ни алга бара алмыйча чинарга тотынган.
— Болай булмый, туганым,— дигән аңа Әти поши.— Син куркак йөрәкле икән. Ә куркак җан иясенә иң зур мөгез дә ярдәм итми. Шуңа күрә сиңа озын колаклар бирәм мин. Башкалар сөйләгәнне качып- посып тыңларга бик яратасың бит син. Менә моннан соң кемлегеңне бөтен урман халкы әллә каян белеп торсын әле.
Шулай итеп, Куян мөгезсез калган, ә колаклары күзгә күренеп бик озын булып үскәннәр, ди. |
|
Категория: Дөнья халыклары якиятляре |
Просмотров: 2 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
