| Посетители |
Онлайн всего: 1 Гостей: 1 Пользователей: 0 |
|
Главная » 2024 » Декабрь » 8 » ҮЛГӘН ТАВЫК (Корея халык әкияте)
ҮЛГӘН ТАВЫК (Корея халык әкияте) | 12:12:16 |
Борын-борын заманда яшәгән, ди, бер комсыз алпавыт. Үз өендә ашамыйча, кешедән кешегә кунакка йөрергә ярата икән бу. Шулай көннәрдән бер көнне чираттагы авыл агаена кунакка барырга ниятләгән ул. Агай, ярлы булса да, бар мөлкәтеннән мул гына өстәл әзерләгән. Соңгы тавыгын суеп пешергән дә өстәл уртасына чыгарып куйган. Капкорсаклы алпавытның тәмләп тавык ашарга җыенганын күргәч, авыл агаеның авыз суы киткән малае, түзә алмыйча:
— Карагыз әле, карагыз, бай әфәнде үлгән тавык ашый! — дип кычкырып җибәргән.
«Болар миңа үч итеп үлгән тавык пешереп китергәннәр, ахрысы»,— дип уйлаган алпавыт һәм:
— Тамагым туйды,— дип, өстәлне җыештырырга кушкан.
Шулчак агайның шук малае тавык ботын эләктереп алган да шатыр-шотыр кимерергә тотынган. Үзе ашый, үзе:
— Әй тәмле дә инде! Әй тәмле! — дип кабатлый икән.
Алпавыт моңа карап торган-торган да:
— Ә син үзең нишләп үлгән тавык ашыйсың соң? — дип сораган.
— Ә тере тавыкны ничек ашыйсың инде?! — дигән дә малай, тавыкның икенче ботын да эләктереп, урамга чыгып чапкан, ди. |
|
Категория: Дөнья халыклары якиятляре |
Просмотров: 13 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
