| Посетители |
Онлайн всего: 4 Гостей: 4 Пользователей: 0 |
|
Главная » 2024 » Декабрь » 3 » МАНАРА (Авар халык әкияте)
МАНАРА (Авар халык әкияте) | 18:34:57 |
Шулай, гадәттәгечә, авыл картлары, намаздан чыккач, җыелышып әңгәмә корып утыралар икән.
— Авыл читендәге әнә теге манараны мондарак күчереп куярга иде,— дип әйтеп куйган арадан берсе.
Шулчак болар яныннан авыру кыяфәтле ябык кына бер егет үтеп бара икән. Бу сүзләрне ишеткәч, ул:
— Мин аны күчерә алам. Ләкин башта, көч җыю өчен, өч ай буе ашатып-эчертеп торуыгыз кирәк.
Авыл агайлары, моңа ризалашып, әлеге егетне өч ай буе, өйдән өйгә йөртеп, кунак иткәннәр.
Менә, ниһаять, манараны күчерү көне дә килеп җиткән. Бар халык авыл читендәге манара янына җыелган. Сөенечтән кайсы сорнай уйный, кайсы барабан суга икән боларның. Теге ябык егетнең өч айда тәненә ит кунып, битләренә алсулык йөгергән, ди. Менә ул, манара янына килеп, аны төбеннән бау белән уратып бәйләгән дә халыкка болай дип кычкырган:
— Нәрсә карап торасыз анда? Әйдәгез, манараны минем җилкәгә күтәреп салыгыз!
Әмма берәү дә урыныннан кузгалмаган.
— Сез монда бөтен авылыгыз белән манараны җилкәмә дә сала алмыйсыз! Ә үзегез минем авыл уртасына кадәр күтәреп баруымны көтәсез. Ярый, булдыра алмыйсыз икән, үзегезгә үпкәләгез! Мин киттем! — дигән дә үз юлын дәвам иткән, ди, егет.
Ай юрганы : Дөнья халыклары әкиятләре / [тәрҗ. һәм төз. Разил Вәлиев ; рәссамы Диләрә Нәүрузова].- Казан : Татар, кит. нәшр., 2011.- 302 б.
ISBN 978-5-298-02107-4
Китапта дөнья халыклары әкиятләре туплап бирелә. |
|
Категория: Дөнья халыклары якиятляре |
Просмотров: 9 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
