| Посетители |
Онлайн всего: 7 Гостей: 7 Пользователей: 0 |
|
Главная » 2024 » Декабрь » 9 » СӘҮДӘГӘРНЕҢ САҢГЫРАУ ДУСТЫ (Һинд халык әкияте)
СӘҮДӘГӘРНЕҢ САҢГЫРАУ ДУСТЫ (Һинд халык әкияте) | 18:39:06 |
Бер сәүдәгәрнең саңгырау дусты булган. Сәүдәгәр авырып киткәч, саңгырау дусты моның хәлен белергә уйлаган. Үзе бара, үзе эченнән генә болай уйлый икән бу:
— Барып керүгә, иң элек хәлен белешәм: « Саулыгың ничек, сәхиб? » — дип сорыйм. Билгеле инде, ул: «Сырхавым бетеп бара»,— дияр. Аннары мин: «Аллага шөкер! Тамагыңа ни кабасың?» — дип сорармын. Ул: «Кыздырган борчак»,— дияр. Ә мин: «Чәйнәп аша, сихәте ныграк тияр»,— диярмен. Аннары: «Сине кайсы табиб дәвалый?» — дип сорармын. Ул: «Теге... Мирза атлы иң мәшһүр табиб»,— дияр. Ә мин: «Аллаһы Тәгалә аңа куәт бирсен!» — дип әйтермен.
Менә саңгырау авыру дусты янына килеп җиткән. Керә-керешкә исәнләшеп, хәл-әхвәл сораша башлаган:
— Хәлең ничек, дустым, тереләсеңме?
— Кая ул терелү! — дип ыңгырашкан авыру сәүдәгәр.— Чыкмаган җаным гына калды.
— Аллага шөкер! — дип авызын ерган саңгырау. Бу сүзләрне ишеткәч, авыруның хәле тагын да мөшкелләнгән. Ә саңгырау һаман сораша икән: — Тамагыңа ни кабасың соң?
— Кая ул ашау! — дип көчкә-көчкә аваз салган авыру.— Төкерек йотарлык та хәлем юк.
— Чәйнәп аша, сихәте ныграк тияр,— дигән саңгырау.
Авыру сәүдәгәр ачуыннан нишләргә белми икән. Шулчак саңгырау аңа соңгы соравын биргән:
— Дустым, сине кайсы табиб дәвалый соң?
Җен ачулары чыккан авыру бөтен көчен җыеп кычкырып җибәргән:
— Газраил! Әҗәл патшасы дәвалый мине!
— Аллаһы Тәгалә аңа куәт бирсен! — дигән саңгырау һәм, дустына изге теләкләр тели-тели, өенә кайтып киткән. |
|
Категория: Дөнья халыклары якиятляре |
Просмотров: 2 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
