| Посетители |
Онлайн всего: 1 Гостей: 1 Пользователей: 0 |
|
Главная » 2024 » Декабрь » 9 » СОҢГЫ БӨРТЕК (Удмурт халык әкияте)
СОҢГЫ БӨРТЕК (Удмурт халык әкияте) | 16:15:19 |
Борын-борын заманда яшәгән, ди, Тычкан белән Чыпчык, һәрчак бер-берсе белән киңәш-табыш итешеп, соңгы ризыкларына кадәр бүлешеп, бик тату гомер кичергәннәр алар.
Шулай көннәрдән бер көнне Тычкан белән Чыпчык юлда өч арыш бөртеге тапканнар. Уйлаганнар-уйлаганнар да бу бөртекләрне язын басуга чәчәргә булганнар. Башта Тычкан җир сөргән, аннары Чыпчык аны тырмалаган. Көзен басуда арыш каерылып уңган. Тычкан үткер тешләре белән арышны урып алган, ә Чыпчык канатлары белән суккан. Арыш җыелып, сугылып беткәч, көшел янына утырып, уңышны бүләргә тотынганнар. Бер бөртекне Тычканга, икенчесен Чыпчыкка, өченчесен Тычканга, дүртенчесен Чыпчыкка бүлә торгач, көшелдә бер бөртек артып калган.
— Бу бөртек минеке! Җир сөргәндә мин тәпиләремне сыдырып бетердем,— дип сүз башлаган Тычкан.
Чыпчыкның моңа ачуы чыккан.
— Ә җир тырмалаганда минем канатларым канады. Бу бөртек миңа тиеш! — дип чыркылдаган ул.
Шулай күпме бәхәсләшкәннәрдер, белмим, берзаман ачуы чыккан Чыпчык теге соңгы бөртекне томшыгы белән эләктергән дә очып киткән. «Бу бөртек барыбер минеке булачак. Хәзер Тычкан артымнан куып җитеп карасын инде!» — дип уйлаган ул.
Ә Тычкан Чыпчыкны куып тотарга уйламаган да. «Юкка тавыш чыгардык бугай»,— дип бераз моңсуланып торган да үз көшелен оясына ташый башлаган. Көтеп-көтеп тә Чыпчык кире кайтмагач, Тычкан Чыпчыкның өлешен дә амбарга кертеп куйган.
Кыш буе Тычканның тамагы тук, күңеле көр булган. Ә бер бөртек арыш урлаган Чыпчык, чырык-чырык килеп, әле һаман да ачлы-туклы гомер кичерә, ди. |
|
Категория: Дөнья халыклары якиятляре |
Просмотров: 1 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
