| Посетители |
Онлайн всего: 12 Гостей: 12 Пользователей: 0 |
|
Главная » 2024 » Декабрь » 8 » ҮЗ ҮЛЕМЕМ БЕЛӘН... (Герцеговина халкы әкияте)
ҮЗ ҮЛЕМЕМ БЕЛӘН... (Герцеговина халкы әкияте) | 09:32:51 |
Шулай бервакыт Эро солтанга эшкә ялланган. Кул бирешеп эш хакын килешкәч, солтан аңа болай дигән:
— Минем бер шартым бар. Әгәр кайчан да булса мине алдарга җөрьәт итсәң, сиңа якты дөнья белән бәхилләшергә туры килер.
Эро солтанның җимеш бакчасында эшли башлаган. Килешү буенча, үз авызына бер җимеш тә алмаска тиеш булган ул. Эро, сарай табынына иртәсен, кичен, көндезен, өеп-өеп, алмалар, хөрмәләр, әфлисуннар, йөземнәр китереп торган, ләкин үзенең тамагы туймаган.
Көннәрдән бер көнне хезмәтчеләр Эроның качып кына алма ашап торганын күргәннәр. Берсен-берсе уздырып, бу турыда солтанга килеп сөйләгәннәр. Солтан Эроны үз янына китерергә боерган.
— Син мине алдадың, Эро! — дип җикергән ул аңа.— Мин сине хәзер үлем җәзасына хөкем итәм. Йә, нинди үлем белән үләргә телисең, үзең сайлап ал.
— Ә син әйткән сүзеңдә торырсыңмы, алдамассыңмы, солтаным? — дип тезләнгән Эро.
— Әйткән сүз — аткан ук! — дигән солтан.— Йә, сайла! Дар агачына асып куйыйкмы үзеңне?
— Юк! — дигән Эро.
— Айбалта белән башыңны чабыйкмы?
— Юк!
— Ат койрыгына тагып, дала буйлап чаптырыйкмы?
— Юк! — дип кырт кискән Эро.
— Алайса, үзең әйт, нинди үлем белән үләргә телисең? — дигән аптырап калган солтан.
— Картаеп, үз үлемем белән үләргә телим, солтаным.
Солтан шаркылдап көлеп җибәргән һәм Эроны үзендә гомерлеккә хезмәтче итеп калдырырга боерган. |
|
Категория: Дөнья халыклары якиятляре |
Просмотров: 3 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
