| Посетители |
Онлайн всего: 41 Гостей: 41 Пользователей: 0 |
|
Главная » 2024 » Ноябрь » 13 » Әбәк
Әбәк | 19:55:01 |
(I вариант)
Балалар бер төркем булып басалар. Шунда бер бала:
«Әбәк-чәбәк,
Тити суат,
Килеп юат» —
яки:
«Әбәк-чәбәк,
Алтын тәбәк,
Киявең карак,
Үзең тинтәк»,—
дип иптәшләренең берсенә сугып китә. Шулай дигәч, барлык балалар «әбәк» бирелгән кеше яныннан йөгереп качалар. Куучы аларның кайсын да булса тотып, «әбәк»не бирергә тырыша. Әбәк бирелгән кеше үз чиратында аңардан котылырга, башкага бирергә тиеш. Уен шул рәвешчә дәвам итә.
(II вариант)
Уен җәй көне ир балалар арасында уйнала. Иң элек балалар шобага яки санашу такмазасы белән берәүне көтүче итеп сайлый-лар. Аннан соң мәйданның ике ягында ике кала билгелиләр. Көтүчедән башкалары калаларның берсендә тезелеп, сул кул¬лары белән билләренә таяналар, уң кулларын алга сузып тора¬лар. Шул вакыт көтүче килә һәм аларны сагалап, акрынлап йөренә башлый. Аннан:
Әбәк, төбәк, җитмеш көрәк,
Җитә алмасаң, җир йотсын! —
дип берәүнең учына суга да икенче баштагы калага йөгерә. Сугылган бала аны йөгереп узып алдан барып җитәргә тырыша. Алдан барып җитүче шул як калада торып кала, ә кичегүче көтүче була. Уен, балалар бер каладан икенче калага күчеп беткәнче дәвам итә. |
|
Категория: Хәрәкәтле уеннар |
Просмотров: 3 |
Добавил: ilbyak-school
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
|
|
