Коулларда * ниләр бар?
Ниләр бар да ниләр юк.
Ике яман берекмәс,
Ике яхшы ирекмәс;
Ике яман бер булса,
Ачыдан ачы булыр арасы,
Ике яхшы бер булса,
Татудан татлы булыр арасы.
Җәй белән кыш унике ай
Эстәсәм дә, табылмас
Хан белән бигә яраган,
Ай-Һай, төлке белән кешнең карасы.
Коулларда ниләр бар?
Ниләр бар да ниләр юк.
Өге * йонлы ук булса,
Тартып кешкә салгаймын;
Кама йонлы ук булса,
Тартып болан аткаймын,
Астыма менгән атыма
Яхшы ияр арткаймын*,
Коешканлап * аел тарткаймын,
Кайда яхшы кыз күрсәм,
Малын биреп кочып яткаймын!
Балалы болан җилә алмас
Баткагың яман, олы саз,
Токымлы болан җилә алмас
Тулгавың * яман, олы саз.
Аркамны кистең, ак каяс*,
Муеным кистең,
Бүз боланның сырт каеш артуы *.
Алай яман калын саз.
____________________________________________________
К о у л л а р — Коллар (авыл исеме)
Өге — ябалак.
Арыту — аркылыга бәйләү, төяү.
Коешкан — иярне атның койрык төбенә таба тартып беркетә торган махсус бау.
Тулгау — баткак сазның аяк астында дулкынлангандай булып селкенеп торуы.
Каяс — туздан ясалган зур савыт, тубал. Бау белән аркага асыла.
Артуы — каясны күкрәк, я иңбаш аркылы бәйләгән бау. Биредә бүз боланның сырт тиресеннән ясалган каеш турында әйтелә. |
